બેઠક / અફઘાનિસ્તાન પર UNSCની તાબડતોબ ઈમરજન્સી બેઠક : અમેરિકાએ તાલિબાનને ધમકાવ્યું, જાણો ભારતે શું કહ્યું

• બેઠકની અધ્યક્ષતા ભારતીય વિદેશ મંત્રી ડો. એસ. જયશંકર કરી 
• ગુટરેસે તાલિબાનને શાંતિ બનાવી રાખવાની અપીલ કરી
• અમેરિકનોને જરાક પણ ઈજા પહોંચી તો છોડીશું નહીં-યુએસ

બેઠકની અધ્યક્ષતા ભારતીય વિદેશ મંત્રી ડો. એસ. જયશંકર કરી 

આ બેઠકની અધ્યક્ષતા ભારતીય વિદેશ મંત્રી ડો. એસ. જયશંકર કરી રહ્યા છે. બેઠકમાં સંયુક્ત રાષ્ટ્રના મહાસચિવ એન્ટોનિયો ગુટરેસે તાલિબાનને શાંતિ બનાવી રાખવાની અપીલ કરી છે. ત્યારે અમેરિકાએ ચેતવણી આપતા કહ્યું છે કે જો તેમના નાગરિકો અથવા મિશન પર કોઈ સંકટ આવ્યું તો તે સેન્ય કાર્યવાહી કરશે.

ગુટરેસે તાલિબાનને શાંતિ બનાવી રાખવાની અપીલ કરી

યુએન ચીફ ગુટરેસે કહ્યું કે આંતરરાષ્ટ્રીય સમુદાયે એ સુનિશ્ચિત કરવા માટે એક જૂથ થવું જોઈએ અફઘાનિસ્તાન ફરી ક્યારેય આતંકવાદી સંગઠનો માટે સુરક્ષિત ઘર ન બની શકે. સાથે તેમને તાલિબાનો સહિત તમામ પક્ષો સાથે શાંતિ વર્તવાની અપીલ કરી.

અમેરિકનોને જરાક પણ ઈજા પહોંચી તો છોડીશું નહીં- યુએસ

યૂએનએસસીની બેઠકમાં અમેરિકન પ્રતિનિધિએ સ્પષ્ટ શબ્દોમાં કહ્યું કે તમામ અફઘાની નાગરિક અને આંતરરાષ્ટ્રીય નાગરિકો જે દેશ છોડવા માંગે છે તેમને સુરક્ષિત રુપે એવું કરવાની પરવાનગી આપવી જોઈએ. તેમણે જણાવ્યું કે રાષ્ટ્રપતિ બાયડને એ સ્પષ્ટ કરી દીધું છે કે કોઈ પણ કાર્યવાહી જે અમેરિકન કર્મીઓ અથવા અમારા મિશનને સંકટમાં મુકે છે તો તેઓ તેની વિરુદ્ધ તાત્કાલિક અને મજબૂત સૈન્ય પ્રક્રિયા કરશે.

ભારતને કહ્યું અફઘાનિસ્તાનમાં ભયનો માહોલ

ભારત તરફથી બેઠકમાં સામેલ થયેલી સ્થાયી પ્રતિનિધિ ટીએસ તિરુમૂર્તિએ કહ્યું કે અફઘાનિસ્તાન એક પડોશીના રુપમાં છે ત્યાં લોકોની દોસ્ત તરીકેની સ્થિતિ ભારત માટ ચિંતાનો વિષય છે. અફઘાન પુરુષ, મહિલા અને બાળકો સતત ભયની સ્થિતિમાં છે. વર્તમાન સંકટ સામે આવતા પહેલા ભારત તરફથી અફઘાનિસ્તાનના 34 પ્રાંતોમાંથી પ્રત્યેકમાં વિકાસ પરિયોજનાઓ ચાલી રહી હતી. અમે સંબંધિત પક્ષો સાથે કાયદો અને વ્યવસ્થા બનાવી રાખવા, સંયુક્ત રાષ્ટ્રના રાજનયિક અને કાંસુલર કર્મીઓ સહિત તમામ સંબંધીતોને સુરક્ષા સુનિશ્ચિત કરવાનું આહ્વાન કરીએ છીએ. તેમણે કહ્યું કે અમે કાબૂલના હામિદ કરજઈ આંતરરાષ્ટ્રીય એર પોર્ટ પર બહું દુર્ભાગ્યપૂર્ણ દ્રશ્ય જોયા છેય જેના કારણે લોકોમાં ભારે ભય વ્યાપ્યો છે. 

ફ્રાન્સે કહ્યું યુદ્ધવિરામ અને કાયદાનું સન્માન થાય

બેઠકમાં સામેલ ફ્રાંસીસી દૂતે કહ્યું કે અમે તાત્કાલિક યુદ્ધ વિરામ અને આંતરરાષ્ટ્રીય કાયદાનું સન્માન કરવા આહ્વાન કરી રહ્યા છીએ. મહિલાઓના અધિકારીઓનું સન્માન થવું જોઈએ. દુવ્યવહાર કરનારા ન્યાયના કટઘરામાં ઉભા કરવા જોઈએ. ફ્રાન્સ અફઘાન લોકોની સાથે ખભેથી ખભો મિલાવીને ઉભું છે.