VIDEO / તારી ઔકાત શું છે, ચાલ ફાડ મેમો: ટ્રાફિક પોલીસે ગાડી રોકી તો નેતા બગડ્યા, પોલીસ સ્ટેશનમાં રોવડાવ્યો

• UPના ઉન્નાવમાંથી સત્તાના નશામાં મદ થયેલા લોકોની દબંગાઈ
• ટ્રાફિક પોલીસને ખુલ્લેઆમ બેઈજ્જત કરી સ્ટેશને લઈ ગયા
• ઈંસ્પેક્ટરની સામે રડવા મજબૂર કર્યો

સત્તાના નશામાં ચકનાચૂર થયેલા અને દબંગ નેતાઓના કારનામા તો તમે ઘણી જગ્યાએ જોયા હશે. પણ નેતાઓના સગાસંબંધીઓનો દબદબો પણ એટલો વધી ગયો કે, એક ટ્રાફિક પોલીસને બધાની વચ્ચે રડવાનો વારો આવ્યો હતો, આવું કદાચ તમે ક્યાંય નહીં જોયું હોય. ઉત્તર પ્રદેશના ઉન્નાવમાં એક ટ્રાફિક પોલીસ સાથે ભારતીય જનતા પાર્ટીના નેતાના સંબંધીઓએ એટલી ખરાબ રીતે વર્તન કર્યું કે, ટ્રાફિક પોલીસ રીતસરનો રડવા લાગ્યો હતો. વીડિયો સોશિયલ મીડિયા પર વાયરલ થતાં હોબાળો મચી ગયો હતો. સમાજવાદી પાર્ટીએ આ સમગ્ર મામલે સત્તાધારી ભાજપનો ઘેરાવ કર્યો હતો. પોલીસ પ્રશાસન તરફથી આરોપી નેતાના સંબંધીઓ વિરુદ્ધ કડક કાર્યવાહી કરવાની વાત કહી છે. 

उन्नाव में ट्रैफिक पुलिस के सिपाही ने हूटर लगी गाड़ी रोक ली..

क्या पता था कि गाड़ी वाले भाजपा विधायक के रिश्तेदार हैं....इसलिए गाड़ी रोकना सिपाही के लिए गुनाह हो गया

सिपाही को जलील किया गया..वह रोता रहा.. pic.twitter.com/PYOhYB88wg

— Suraj Shukla (@suraj_livee) May 17, 2022

ગાડીમાં સાયરન લગાડેલુ હોવાના કારણે ટ્રાફિક પોલીસે ફોટો પાડ્યો

આ વીડિયો ઉન્નાવનો છે. ટ્રાફિક પોલીસ કર્મીચારી પોલીસ સ્ટેશનમાં પોક મુકીને રડતા દેખાઈ રહ્યા છે. હકીકતમાં જોઈએ તો, ઉન્નાવના ગાંધીનગરમાંથી એક સફેદ રંગની ગાડી પસાર થઈ રહી હતી. ડ્યૂટી પર તૈનાત ટ્રાફિક પોલીસે ગાડીનો ફોટો પાડ્યો અને તેને રોકવાની કોશિશ કરી. કહેવાય છે કે, ગાડીમાં સાયરન લગાવેલું હતું. જેના કારણે ટ્રાફિક પોલીસે તેને રોક્યો હતો.

जब गाड़ी रोकी गई थी..तब नेता के रिश्तेदार के तेवर देखिए... pic.twitter.com/689mlw6uUC

— Suraj Shukla (@suraj_livee) May 17, 2022

ટ્રાફિક પોલીસને કહ્યું- તારી શું હૈસિયત છે ? 

ટ્રાફિક પોલીસ દ્વારા ગાડી રોકવા પર તેમાં બેઠેલા લોકોનો પિત્તો ગયો હતો. કહેવાય છે કે, રસ્તાની વચ્ચે ટ્રાફિક પોલીસ સાથે અભદ્રતાથી વર્તન કરવા લાગ્યા અને કહ્યું કે, તારી શું ઔકાત છે. મેમો ફાડ, હું તને જેલમાં નખાવી દઈશ.નહીં તો કલેક્ટર સાથે વાત કરીશ.

પોલીસ સ્ટેશનમાં ઈંસ્પેક્ટર સામે પોક મુકીના રડ્યા ટ્રાફિક પોલીસ

ગાડીમાં બેઠેલા લોકો આખો મામલો લઈને પોલીસ સ્ટેશનમાં આવ્યા અને ટ્રાફિક પોલીસને ઈંસ્પેક્ટર સામે ઊભા રાખી દીધો. અહીંયા પણ ટ્રાફિક પોલીસ સાથે તોછડાઈ કરવામાં આવી. ટ્રાફિક પોલીસને એટલો હેરાન કર્યો હતો, તે ઈંસ્પેક્ટરની સામે રડવા લાગ્યો હતો. વાયરલ વીડિયોમાં ઈંસ્પેક્ટર કહી રહ્યા છે કે, ભૂલ તમારા લોકોની છે, અમારી નહીં, ગાડીમાં તમને સાયરન લગાવાનો અધિકાર નથી, એટલા માટે ફોટો પાડ્યો છે. 

વીડિયો વાયરલ થતાં સપાએ ભાજપ સરકાર પર ટાર્ગેટ કર્યો

વાયરલ વીડિયોને લઈને સમાજવાદી પાર્ટીએ ભાજપ સરકાર પર આકરા પ્રહારો કર્યા છે. સમાજવાદી પાર્ટીના ઓફિશિયલ ટ્વિટર અકાઉન્ટથી વીડિયો શેર કરતા લખ્યું છે કે, રસ્તાની વચ્ચે ભીડ વચ્ચે પોતાની ઈજ્જત અને વર્દીની ઈજ્જત ખોઈ બેઠેલા આ પોલીસ જવાન પોલીસ સ્ટેશનમાં પોક મુકીને રડી રહ્યા છે. તમે બુલડોઝર આ ગુંડા, મવાલી અને દબંગ ભાજપાઈઓ પર ક્યારે ચલાવશે, જે આપના રાજમાં કાયદા પોતાના પગ તળે રાખી ઠોકર મારી રખડતા ખુલ્લા સાંઢની માફક સત્તાના નશામાં કુદી રહ્યા છે.