દિલ્હીની એક કોર્ટે 2017માં ઉન્નાવમાં એક યુવતી સાથે બળાત્કાર મામલે ભાજપના સસ્પેન્ડેડ ધારાસભ્ય કુલદીપ સેંગર વિરૂદ્ધ શુક્રવારે આરોપ નક્કી કરવામાં આવ્યો છે. જિલ્લા જજ ધર્મેશ શર્માએ સેંગરના મિત્ર શશિ સિંહ વિરૂદ્ધ યુવતિના અપહરણ મામલે આરોપ નક્કી કર્યો છે.
ઉત્તરપ્રદેશમાં ઉન્નાવ રેપ કાંડની પીડિતાની કારને ટક્કર મારવાના આરોપમાં ચાલી રહેલ તપાસ દરમિયાન સીબીઆઇની ટીમ ટ્રક ડ્રાઇવર અને ક્લીનરને વિશેષ તપાસ કરી હતી. સીબીઆઇની ટીમે ગાંધીનગરની FSL લેબમાં બ્રેન ઇલેક્ટ્રોનિક ઑસિલેશન સિગ્નેચર પ્રોફાઇલિંગ ટેસ્ટ કરાવ્યા હતા.
ઉન્નાવમાં થયેલા દુષ્કર્મ કેસમાં ઝડપાયેલા બે આરોપીની તપાસ હાથ ધરવામાં આવી હતા. ઉન્નાવ દુષ્કર્મ કાંડના આરોપીઓની ગાંધીનગરમાં તપાસ હાથ ધરાઈ હતી. ઉન્નાવ કેસના આરોપી ડ્રાઈવર અને ક્લીનર બંનેનો મેડિકલ ટેસ્ટ કરવામાં આવ્યો હતો. સતત 9 કલાક સુધી બંને આરોપીનો નાર્કો ટેસ્ટ લેવાયો હતો. તો હજુ 2 દિવસ શખ્સોની વૈજ્ઞાનિક ઢબે પૂછપરછ થશે.
અગાઉ આ બન્ને આરોપીને સીબીઆઇ પરીક્ષણ કરનારા અધિકારીઓને કેટલાક કલાક સુધી બ્રીફ કરવામાં આવ્યા હતા. સીબીઆઇની ટીમ પરીક્ષણ કરનારી ટીમને આ કેસમાં જોડાયેલ તમામ જાણકારી આપી રહી છે. ગાંધીનગરમાં પણ આ પરીક્ષણ અંદાજિત 9-10 કલાક વધુ ચાલ્યું હતું.