કોરોના વાયરસ / Unlock 3માં સ્કૂલ-કૉલેજ કે જિમ-સિનેમા હૉલ ખુલશે કે નહીં ? સરકાર કરી રહી છે વિચાર

• દેશમાં બે જ દિવસમાં સામે આવ્યા એક લાખ કેસ 
• અહેવાલ અનુસાર સ્કૂલ-કોલેજ ખુલવાની સંભાવના નહીં 
• દિલ્હી અને મુંબઈમાં કોરોનાની રફતારને જોતા ત્યાં મેટ્રો સેવા શરુ થાય તેની શક્યતા પણ ઓછી 

દેશમાં આજે સૌથી મોટો સવાલ છે કે શું હવે સ્કૂલ, કોલેજ, જિમ અને મેટ્રો હવે ખુલશે કે નહીં ? મીડિયા અહેવાલો અનુસાર તો અત્યારે આ કામ ખૂબ મુશેકલ લાગી રહ્યું છે. દેશમાં કોરોના વાયરસના કેસ રોકાવાનું નામ લેતા નથી. જોકે રાહતની વાત એ કહી શકાય કે ભારતમાં રિકવરી રેટ ખૂબ સારો છે જ્યારે મૃત્યુદર પણ બીજા દેશો કરતા ઓછી છે. 

માનવામાં આવી રહ્યું છે કે જે શહેરોમાં મેટ્રો સેવાઓ છે ત્યાં હજુ પણ મેટ્રો ચાલુ થવાની સંભાવના લાગતી નથી. આ સિવાય માર્ચ મહિનાથી સ્કૂલ કોલેજ બંધ કરી દેવામાં આવ્યા છે. કેન્દ્રીય HRD મંત્રાલય આ વિષય પર ચર્ચા કરી રહ્યું છે અને રાજ્યોથી સલાહ માંગવામાં આવી રહી છે. મીડિયા અહેવાલોમાં દાવા કરવામાં આવી રહ્યા છે કે મોટા ભાગના રાજ્યો સ્કૂલ કોલેજ ખોલવાના પક્ષમાં નથી. જૂન મહિનામાં જ HRD મંત્રી રમેશ પોખરિયાલે પણ કહ્યું હતું કે સ્કૂલ કોલેજનમાં વિષયમાં વાલીઓણી પણ સલાહ લેવામાં આવશે.  

નોંધનીય છે કે કોરોના વાયરસના કારણે ઘણા બધા વાલીઓમાં ભયનો માહોલ છે અને મોટાભાગના લોકો બાળકોને સ્કૂલ મોકલવાના પક્ષમાં નથી. એવામાં આવતા અઠવાડિયે સ્કૂલ કોલેજ તેની સંભાવના પણ ઓછી દેખાઈ રહી છે. ઓગસ્ટ મહિનામાં નવા નિયમો આવે તો તેમાં સ્કૂલ કોલેજની સાથે સાથે જિમ થીયેટર ખોલવા કે નહીં તેના પર પણ ફેંસલો લેવામાં આવશે. 

દિલ્હી અને મુંબઈ શહેરમાં મેટ્રો સેવા ખૂબ આવશ્યક બની ગઈ છે પરંતુ કોરોનાકાળમાં મેટ્રો રેલ થંભી ગઈ છે પરંતુ જે રીતે આ બે શહેરોમાં કોરોના કેસનો રાફડો ફાટ્યો છે તેને જોતા સરકાર આ શહેરોમાં મેટ્રો શરુ કરે તેનીઓ શક્યતા પણ ખૂબ ઓછી છે.