આજે ટાઈગર શ્રોફ પોતાનો 31મો જન્મદિવસ સેલિબ્રેટ કરી રહ્યો છે. સ્ટાર કિડ હોવા છતાં ટાઈગરે સખત મહેનત કરી છે અને ખરાબ દિવસો જોયા છે.
આજે ટાઈગર શ્રોફ પોતાનો 31મો જન્મદિવસ છે
સ્ટાર કિડ હોવા છતાં ટાઈગરે સખત મહેનત કરી છે
ટાઈગરે પણ જોયા છે ખરાબ દિવસો
બોલિવૂડ એક એવી જગ્યા છે જ્યાં ટેલેન્ટની બોલબાલા છે. આ ઈન્ડસ્ટ્રીમાં પોતાની જગ્યા બનાવવા માટે સખત મહેનત કરવી પડે છે અને ટાઈગર શ્રોફ આ વાતનું ઉદાહરણ છે. સ્ટાર કિડ હોવા છતાં ટાઈગરે પોતાની સ્કિલ પર ખૂબ કામ કર્યું. ટાઈગરનો જન્મ મુંબઈમાં થયો હતો. તેણે સાજીદ નડિયાદવાલાની ફિલ્મ હિરોપંતીથી તેની કારકિર્દીની શરૂઆત કરી હતી.
ટાઈગર બોલિવૂડના જાણીતા અભિનેતા જેકી શ્રોફ અને આયેશા શ્રોફનો દિકરો છે. જી ક્યૂ મેગેઝિન સાથે વાત કરતાં ટાઇગરે પોતે કહ્યું હતું કે વર્ષ 2003માં આયેશાએ એક ફિલ્મ પ્રોડ્યૂસ કરી હતી. ફિલ્મનું ટાઈટલ 'બૂમ' હતું. આ ફિલ્મ કેટરિના કૈફની પહેલી ફિલ્મ હતી. આ ફિલ્મ રિલીઝ પહેલાં જ લિક થઈ ગઈ હતી અને બાદમાં બોક્સ ઓફિસ પર ખરાબ રીતે ફ્લોપ થઈ હતી. ફિલ્મ ફ્લોપ થવાને કારણે જેકી અને આયેશાને તેમનું બાંદ્રાવાળું ઘર વેચવું પડ્યું અને ખાર શિફ્ટ થવું પડ્યું. તે સમયે ટાઇગર ફક્ત 11 વર્ષનો હતો, પરંતુ એ ઉંમરમાં પણ તેને બધું સમજાઈ રહ્યું હતું કે આ બધું શું ચાલી રહ્યું છે.
આગળ ટાઇગરે કહ્યું, 'મને યાદ છે કે એક પછી એક ઘરનું ફર્નિચર અને સામાન વેચવો પડ્યો હતો. મારી માતાની પેઇન્ટિંગ્સ, લેમ્પ્સ. હું જે વસ્તુઓ જોઈને મોટો થયો હતો એ દરેક વસ્તુ ધીરે ધીરે વેચવી પડી. પછી એક દિવસ મારે મારો પલંગ પણ વેચવો પડ્યો. પછી મારે જમીન પર સૂવું પડ્યું. આ મારા જીવનનો સૌથી ખરાબ તબક્કો અને ખરાબ ફીલિંગ હતી. હું 11 વર્ષની ઉંમરે કામ કરવા માંગતો હતો, પરંતુ મને ખબર હતી કે હું આ સમયે કંઇ કરી નહીં શકું.
તમને જણાવી દઈએ કે, ટાઇગર શ્રોફે શ્રદ્ધા કપૂર સાથે ફિલ્મ 'બાગી'માં કામ કર્યું હતું. તેની ફિલ્મ પણ હિટ સાબિત થઈ. આ પછી ટાઇગર શ્રોફ 'એ ફ્લાઇંગ જટ', 'બાગી 3', 'સ્ટુડન્ટ ઓફ ધ યર 2' અને 'વોર'માં જોવા મળ્યો હતો. ટાઇગર શ્રોફની કારકિર્દીની અત્યાર સુધીની સૌથી મોટી હિટ ફિલ્મ 'વોર' છે. તે આ ફિલ્મમાં અભિનેતા રિતિક રોશનની સાથે જોવા મળ્યો હતો. ફિલ્મે બોક્સ ઓફિસ પર ધમાકેદાર કમાણી કરી હતી.
ટાઇગરના વર્ક ફ્રન્ટની વાત કરીએ તો હોલિવૂડ ફિલ્મ રેમ્બોના હિન્દી રિમેકમાં જોવા મળશે અને 2014ની ફિલ્મ હિરોપંતીની સિક્વલ હિરોપંતી 2માં મુખ્ય ભૂમિકામાં જોવા મળશે.