મહેસાણા: ઊંઝા વિધાનસભાની પેટા ચૂંટણી મામલે ભાજપમાં ટિકિટને લઈને ઉકળતા ચરૂ જેવો માહોલ છે. આશાબેન પટેલને મોટો ફટકો પડી શકે છે. આશાબેન પટેલને ટિકિટ ન આપવા માટે પણ રજૂઆત કરવામાં આવી છે.
સ્થાનિક ભાજપના નેતાઓ 27 માર્ચે ઊંઝા ભાજપના કાર્યકર્તાઓએ સંમેલન બોલાવશે. તો સાથે જ ભાજપના સ્થાનિક ઉમેદવારને ટિકિટ આપવા માગણી કરવામાં આવી છે. હરીભાઈ પટેલની આગેવાનીમાં ભાજપના કાર્યકરોએ વિરોધ નોંધાવ્યો છે.
કાર્યકરોએ પણ આશાબેન તથા કે.સી. પટેલને ટિકિટ ન આપવા કર્યો છે ઠરાવ
મહેસાણાના ઊંઝામાં ભાજપમાં ભૂકંપની સ્થિતિ સર્જાઈ છે. સ્થાનિક ભાજપના કાર્યકરોએ લવાદ સમિતિ નિમી છે. ઉમેદવાર નક્કી કરવા કાર્યકરોએ સમિતિ બનાવી છે. જેમાં કે.સી. પટેલ અને આશા પટેલને ટિકિટ ન આપવા માટે ઠરાવ પસાર કરાયો છે.
જેમાં ટિકિટ આપશે તો પક્ષને નારાજગીનો સામનો કરવો પડશે તેવી ચીમકી પણ ઉચ્ચારી છે. ઉલ્લેખનીય છે કે, કે.સી. પટેલે APMC તોડી પાડી હોવાનો પણ ઠરાવમાં ઉલ્લેખ કરવામાં આવ્યો છે.
સ્થાનિક અને મૂળ ભાજપના વ્યક્તિને જ ટિકિટ આપવાની માગ કરી છે. લવાદ સમિતિના મત વિના ટિકિટ અપાશે તો ભાજપને નુકસાન થશે તેવી પણ જણાવ્યું છે. ત્યારે સમિતિ દ્વારા ઠરાવ કરીને ભાજપને મોકલી આપવામાં આવ્યો છે.