અલવિદા ! / દિવંગત MLA આશા પટેલનો પાર્થિવ દેહ પંચમહાભૂતમાં વિલીન, સમર્થકોએ ભીંજાયેલી આંખે આપી વિદાય

• આશાબેનનો પાર્થિવ દેહ પંચભૂતમાં વિલીન
• સરસ્વતી મુક્તિધામમાં કરાઈ અંતિમવિધિ
• રાજકીય આગેવાનોએ દુઃખની લાગણી 

પાટણના સિદ્ધપુરમાં આશાબેન પટેલના કરાયા અંતિમસંસ્કાર, આશાબેનના ભાઈ કૌશિક પટેલ ના હાથે અંતિમવિધિ કરાઈ છે. આશાબેનનો પાર્થિવ દેહ પંચભૂતમાં વિલીન થયો છે 

આશાબેનનો પાર્થિવ દેહ પંચભૂતમાં વિલીન

ઊંઝા ધારાસભ્ય આશાબેન પટેલની આજે સિદ્ધપુરના સરસ્વતી મુક્તિધામમાં અંતિમવિધિ કરાઈ છે. અમદાવાદની ઝાયડસ હોસ્પિટલમાં ડેન્ગ્યૂની સારવાર દરમિયાન  રવિવારે તેમનું મોત નિપજ્યું હતું. ડેન્ગ્યૂમાં મલ્ટી ઓર્ગન ફેલ થવાને કારણે આશાબેન પટેલ અવસાન થતા ગુજરાતના રાજકારણમાં મોટી ખોટ વર્તાઈ છે, તેમજ રાજકીય શોક વ્યાપી ગયો છે. 

રાજકીય આગેવાનોએ દુઃખની લાગણી 

પાટણ સિદ્ધપુરના સરસ્વતી મુક્તિધામમાં આશાબેનની અંતિમવિધિ કરાઇ જેમાં ઊંઝા અને વડનગરના વેપારીઓએ સ્વયંભૂ બંધ પાળી શ્રદ્ધાંજલિ આપી હતી. આશાબેનની અંતિમવિધિ તેમના ભાઇના હાથે કરવામાં આવી હતી. આ સમયે પૂર્વ મુખ્યમંત્રી વિજયભાઈ રૂપાણી, બળવંતસિંહ, ધારાસભ્ય ચંદનજી ઠાકોર સહિતના નેતાઓ હાજર રહ્યા હતા. આશાબેનના અવસાન પર રાજકીય આગેવાનોએ દુઃખની લાગણી વ્યકત કરી હતી. 

પાર્થિવદેહને સિદ્ધપુર લઈ જવામાં આવ્યો

મહેસાણા જિલ્લાના ઊંઝાનાં ધારાસભ્ય આશાબેનના પાર્થિવદેહને ગતરાત્રે ઊંઝા APMCમાં રાખવામાં આવ્યો હતો. જ્યાંથી સવારે તેમના વતન વિશોળ ખાતે લઇ જવાયો હતો. ત્યાથી સિદ્ધપુરના સરસ્વતી મુક્તિધામમાં આશાબેનની અંતિમવિધિ તેમના ભાઇના હાથે પૂર્ણ કરાઇ હતી. આશાબેનની અંતિમ વિધીમાં 'ભારત માતાકી જય, વંદે માતરમ અને આશાબેન તુમ અમર રહો'ના નારા પણ લાગ્યા હતા. આશાબેનની આજે સવારે 8 વાગ્યેની આસપાસ ઊંઝા APMC ખાતેથી અંતિમયાત્રા કઢાઈ હતી, જેમાં મોટી સંખ્યામાં લોકો જોડાયા હતા. અંતિમવિધિ પાર્થિવદેહને સિદ્ધપુર લઈ જવામાં આવ્યો છે.