BIG BREAKING / ઊંઝાના ધારાસભ્ય આશાબેન પટેલનું નિધન, અમદાવાદની ઝાયડસ હોસ્પિટલમાં લીધા અંતિમ શ્વાસ

• ધારાસભ્ય આશાબેનનું નિધન
• ડેન્ગ્યૂના કારણે મલ્ટી ઓર્ગન ફેઇલ થતા નિધન
• ઝાયડસ હોસ્પિટલમાં લઇ રહ્યાં હતા સારવાર

ઊંઝાના ધારાસભ્ય આશાબેન પટેલનું આજે દુખદ નિધન થયું છે, ગઇકાલથી તેમની તબિયત ખૂબ જ નાજુક હતી અને ભાજપનાં દિગ્ગજ નેતાઓ હોસ્પિટલ પહોંચ્યા હતા. ભાજપ કાર્યકરો તેમના સ્વાસ્થ્યને લઈને પ્રાર્થનાઓ કરી રહ્યા હતા ત્યારે રવિવારે દુખદ સમાચાર સામે આવ્યા છે. આજે સવારે જ ભાજપ પ્રદેશ અધ્યક્ષ સી આર પાટિલ ઝાયડસ હોસ્પિટલ પહોંચ્યા હતા. 

ગઇકાલે જાહેર કરાયું હતું મૅડિકલ બુલેટિન
ઝાયડસ હોસ્પિટલના ડાયરેક્ટરએ વિગત જણાવતા કહ્યું હતું કે, આશા પટેલની તબિયત નાજુક છે અને હાલ તેમનું નિયમિત ડાયાલિસિસ થઇ રહ્યું છે. હાલ આશાબેન લાઇફ સપોર્ટ સિસ્ટમ પર રખાયા છે. 

કોણ હતા આશાબેન પટેલ?

• મહેસાણા જિલ્લાની ઊંઝા બેઠકથી ભાજપના ધારાસભ્ય રહ્યાં
• 2017ની વિધાનસભા ચૂંટણીમાં કોંગ્રેસની ટિકિટ પર બન્યા હતા વિજેતા
• 2017માં ભાજપના દિગ્ગજ નારણ પટેલને આપી હતી મ્હાત
• 2019ની લોકસભા ચૂંટણી પહેલા ભાજપમાં સામેલ થયા
• પેટા ચૂંટણીમાં ભાજપની ટિકિટ પર જીત મેળવી
• એશિયાની સૌથી મોટી ઊંઝા APMCમાં પોતાની સમર્થનવાળી પેનલને વિજેતા બનાવી
• ઊંઝા APMCમાં નારણ પટેલના દબદબાને ખતમ કર્યો
• આશા પટેલના સમર્થનને કારણે દિનેશ પટેલ ઊંઝા APMCના ચેરમેન બન્યા
• મહેસાણા જિલ્લામાં કડવા પાટીદારનો શિક્ષિત યુવા ચહેરો