ઊંઝા / મા ઉમિયાના મંદિર ખાતે યોજાનાર મહાયજ્ઞ માટે યોજાયેલ ઉછામણીમાં અઢી કલાકમાં 6 કરોડનું દાન

ઉંઝા ખાતે ભવ્ય ઉછમણી મહોત્સવ ઉજવાયો હતો. જેમાં પાટીદાર સમાજના ઉદ્યોગપતિઓ, રાજકીય મહાનુભાવો સહિત ૧૦ હજારથી વધારે પાટીદાર ભાઈ બહેનોએ ભાગ લીધો હતો. ભવ્ય ઉછામણીમાં માત્ર અઢી કલાકમાં 6 કરોડ 23 લાખ રૂપિયાની ઉછામણી થઇ હતી. જેમાં લક્ષચંડી મહાયજ્ઞના મુખ્ય યજમાનની ઉછામણી માત્ર 15 મિનિટમાં 4 કરોડ 25 લાખનું દાન મોરબીના ગોવિંદ વરમોરાએ આપ્યું હતું.

ભાજપના MLA બાબુ પટેલની ચેરમેન પદે વરણી

કાર્યક્રમના પ્રમુખ પદે ભાજપ MLAની ચેરમેન પદે વરણી થઈ છે. બાબુ પટેલની ચેરમેન પદે વરણી થઈ છે. ધારાસભ્ય બાબુ પટેલે 5 કરોડનું દાન આપ્યું હતું. જેને લઈને તેમની વરણી કરવામાં આવી છે. હજુ કુલ 21 કરોડનું દાન લેવામાં આવશે. જેને લઈને ટ્રસ્ટ દ્વારા ઓનલાઈન પેમેન્ટ ગેટ વે લોન્ચ કરવામાં આવ્યુ છે. જેમાં દૈનિક પાટલા માટે 11 હજાર રૂપિયાનું દાન લેવામાં આવશે. ઘર દીઠ દિવા માટે 200 રૂપિયા લેવામાં આવશે. WWW.MAUMIYA.COM પર ઓનલાઇન દાન કરી શકાશે.

પાટીદાર સમાજ જ નહીં દરેક સમાજના યુવાનો આપી રહ્યા છે સેવાઃ બાબુ જમનાદાસ પટેલ

લક્ષચંડી મહાયજ્ઞના પ્રોજેક્ટ ચેરમેન બાબુ જમનાદાસ પટેલે કહ્યું હતું કે, માત્ર પાટીદાર સમાજનો પ્રસંગ નથી, દરેક સમાજના યુવાનો સેવા આપી રહ્યા છે. પ્રોજેક્ટ ડાયરેક્ટર અને આઈએએસ અધિકારી એમ.એસ. પટેલે કહ્યું હતું કે મા ઉમિયાનું મંદિર માત્ર દર્શન કરવાનું સ્થળ નથી, સમાજના ઉત્થાનની સેવાકીય પ્રવૃત્તિ કરાય છે. લક્ષચંડી મહોત્સવમાં વડીલોના અનુભવનો લાભ યુવાનોને મળી રહે તે માટે યુવાવર્ગને જોડવામાં આવ્યો છે. જે યુવાનોમાં સમાજ પ્રત્યેની લાગણી રહે છે, તે તાલીમબદ્ધ યુવાનો સામાજીક સેવા કાર્યો માટે પ્રેરીત બને છેયાવાવર્ગને તૈયાર કરવામાં આવે છે.