ઉંઝાના પૂર્વ MLA આશાબેન પટેલ ભાજપ તરફથી ચૂંટણી લડી શકે છે. સૂત્રો દ્વારા મળતી માહિતી અનુસાર, ઊંઝા વિધાનસભા ઉમેદવારનું નામ ભાજપે ફાઇનલ કર્યું છે. આશાબેન પટેલને ભાજપ મેદાનમાં ઉતારશે.
મળતી માહિતી મુજબ ઉંઝાના પૂર્વ MLA આશાબેન પટેલને પક્ષમાંથી ખુલ્લી છૂટ આપવામાં આવી છે. તેમને વિધાનસભા અને લોકસભા સીટની પસંદગી કરવા છૂટ અપાઈ છે. જો કે આશાબેન પટેલ દ્વારા હજુ સુધી કોઈ આખરી નિર્ણય લોવામાં આવ્યો નથી. પરંતુ આશાબેનની નજીકના લોકોએ આશાબેન લોકસભાની ચૂંટણી લડશે તેવા સંકેત આપ્યા છે.
ઉંઝાના પૂર્વ MLA આશાબેન પટેલ પહોંચ્યા સેન્સ બેઠકમાં
લોકસભાની ચૂંટણીને લઈને ભાજપ દ્વારા 26 બેઠકો ઉપર નિરીક્ષકો દ્વારા સેન્સની પ્રક્રિયા હાથ ધરવામાં આવી હતી. જેના ભાગરૂપે મહેસાણા ભાજપ કાર્યાલય ખાતે સેન્સની કાર્યવાહી હાથ ધરાઈ હતી. ત્યારે ઉંઝાના પૂર્વ MLA આશાબેન પટેલે સેન્સની બેઠકમાં ભાગ લીધો હતો.
BJPમાં જોડાવા મુદ્દે આશા પટેલનુ નિવેદન
કોંગ્રેસ સાથે છેડો ફાડીને ભાજપમાં પ્રવેશ કરનાર આશા પટેલે વધુ એક નિવેદન આપ્યું હતું. આશા પટેલે કહ્યું હતું કે વિકાસયાત્રાના મુદ્દાને લઈને ભાજપમાં જોડાયા છીએ. દેશમાં પ્રધાનમંત્રી મોદીના નેતૃત્વની જરૂર છે. કોંગ્રેસમાં જૂથબંધી હતી. હજુ પણ તે સ્થિતિ યથાવત્ છે. હું કોંગ્રેસના જૂથબંધીનો જ ભોગ બની છું. આ સાથે આશા પટેલે કહ્યું હતું કે કોંગ્રેસમાં નકારાત્મક સિવાય કોઈ વાત નથી.