ઊંઝા APMCમાં સેસ કૌભાંડ મુદ્દે મોટા સમાચાર સામે આવ્યા છે. માર્કેટિંગ યાર્ડ દ્વારા જે તપાસ સમિતિની રચના કરવામાં આવી હતી તે સમિતિનો તપાસનો રિપોર્ટ સામે આવ્યો છે
ઊંઝા APMC સેસ ગેરરીતિ મુદ્દે સૌથી મોટા સમાચાર
ગેરરીતિમાં ચેરમેન અને સેક્રેટરીને ક્લીન ચીટ
APMCની તપાસ કમિટીએ આપી ક્લીનચીટ
ઊંઝા APMCમાં સેસ કૌભાંડ મુદ્દે મોટા સમાચાર સામે આવ્યા છે. માર્કેટિંગ યાર્ડ દ્વારા જે તપાસ સમિતિની રચના કરવામાં આવી હતી તે સમિતિનો તપાસનો રિપોર્ટ સામે આવ્યો છે. રિપોર્ટમાં ગેરરીતિ મામલે ચેરમેન દિનેશ પટેલ અને સેક્રેટરી વિષ્ણુ પટેલને ક્લીનચીટ આપવામાં આવી છે.
APMCની તપાસ સમિતિએ બન્નેને ક્લીનચીટ આપીને ઉલ્લું કૌભાંડ ઉજાગર કરનારા સૌમિલ પટેલ સામે જ આક્ષેપો કર્યા છે. ત્રણ સભ્યોની તપાસ કમિટીએ પ્રાથમિક રિપોર્ટમાં દિનેશ પટેલ અને વિષ્ણુ પટેલને રાહત આપી છે. જોકે, આપને જણાવી દઈએ કે આ તપાસ સમિતિની રચના પણ એ જ ડીરેક્ટરોએ કરી હતી જેમના પર આક્ષેપ કરવામાં આવ્યા છે. એટલે સ્વભાવિક પણે આ તપાસમાં તેમની સામેના આક્ષેપો ફગાવવામાં આવશે તે નિશ્વિત માનવામાં આવતું હતું.
સળગતા સવાલ
શું તપાસ સમિતિ સૌમિલ પટેલને ફસાવી રહી છે?
શું તપાસ ભીનું સંકેલવા માટે મથી રહી છે?
એક જ દિવસમાં તપાસ કમિટી રીપોર્ટ કેવી રીતે આપી શકે?
શું પોતાના મળતીયાઓને બચાવવા માટે તપાસનું નાટક કર્યું?
કૌભાંડને ઢાંકવા માટે કોણ મથી રહ્યું છે?
રૂપિયા આપતા હોવાનો વીડિયો હોવા છતા કેમ મળી ક્લીન ચીટ?
શું તપાસ કમિટીની વીડિયો FSLમાં મોકલવાની જરૂરીયાત ન જણાઈ?
સ્ટીંગ ઓપરેશન કરનારા સોમિલને જ આરોપી બનાવી દેવાનું ષડયંત્ર?
ભ્રષ્ટાચારને ગુપ્ત માહિતી ગણાવીને કૌભાંડમાંથી છટકી જશો?
તમે કૌભાંડ કરો અને એ માહિતી લીક થાય તો તેને ગુપ્ત માહિતી ગણાવી દેશો?
માર્કેટિંગ યાર્ડમાં એવા તે ક્યા ગુપ્ત વહીવટ કરી રહ્યા છો કે તે છુપાવવા પડે?
જ્યા ચૂંટણી થતી હોય ત્યા વહીવટ પણ પારદર્શી રાખવો તે વાત તમે નથી સ્વિકારતા?
ચૂંટાયેલા સભ્યો ક્યા આધારે ગુપ્ત વહીવટ કરી શકે?
અગાઉ સોમિલ ખોટી પાવતી બનાવતો હતો તો તમે કાર્યવાહી કેમ ન કરી?
સોમિલે આક્ષેપ કર્યા બાદ જ તમને યાદ આવ્યું કે અગાઉ તે પણ આ કૌભાંડ કરતો હતો?