ઊંઝા APMCના ડિરેકટર પદ પરથી સંજય પટેલને સસ્પેન્ડ કરવામાં આવ્યાં છે.
ઊંઝા APMCના ડિરેક્ટર પદેથી સંજય પટેલ સસ્પેન્ડ
પેઢી ધરાવતા હોવા છતાં ખેડૂત વિભાગના ડિરેક્ટર બન્યા
પેઢી ધરાવતો વ્યક્તિ ખેડૂત વિભાગની ચૂંટણી ન લડી શકે
પ્રાપ્ત મળતી વિગત અનુસાર ઊંઝા APMCના ડિરેકટર પદ પરથી સંજય પટેલને સસ્પેન્ડ કરવામાં આવ્યાં છે. પેઢી ધરાવતા હોવા છતાં તેઓ ખેડૂત વિભાગના ડિરેટર બન્યા હતા.
આમ પેઢી ધરાવતો વ્યક્તિ ખેડૂત વિભાગની ચૂંટણી ન લડી શકે. GST ચોરીમાં નામ સામે આવતા સમગ્ર મામલો સામે આવ્યો છે. સંજય પટેલ પોતે આર્યન એન્ટર પ્રાઇઝ નામની પેઢી ધરાવે છે.
ઉલ્લેખનીય છે કે ગત મહિને મહેસાણાના ઊંઝામાં 109 કરોડની GST કર ચોરીનો મામલે ઊંઝા APMCના ડિરેકટર સંજય ઉર્ફે શંકર પટેલની અંતે ધરપકડ કરવામાં આવી હતી.
રૂપિયા 109 કરોડના બોગસ બિલિંગ કૌભાંડ મામલે સ્ટેટ GST દ્વારા ઊંઝામાં મોટી કાર્યવાહી કરવામાં આવી હતી. ઊંઝા APMCના ડિરેક્ટર મુખ્ય આરોપી સંજય પટેલની ધરપકડ કરાઈ હતી. આ અગાઉ કુલ પાંચ વ્યકિતઓની ધરપકડ કરવામાં આવી હતી. રૂપિયા 21.41 કરોડની કરચોરી મળી આવી હતી અને અત્યાર સુધીમાં 365 કરોડનું ટર્નઓવર કર્યુ હતું.
શંકર પટેલ લાંબા સમયથી બોગસ પેઢીઓ ઉભી કરી સરકારને ચૂનો લગાવતો હતો. ખોટા ઇ-વે બિલ અને ખોટી પેઢીઓ ઉભી કરવાના રેકેટમાં મુખ્ય સૂત્રધાર હતો. ત્યારે ગત મહિને સંજય ઉર્ફે શંકર પટેલની ધરપકડ કરવામાં આવી હતી.