કૌંભાડ / ઊંઝા APMCમાં 15 કરોડના કૌભાંડની આશંકા, મામલો ગાંધીનગર પહોંચ્યો

• ઊંઝા APMCમાં આક્ષેપબાજીનો દોર અને કૌભાંડની શકયતા
• 15 કરોડની સેસની આવક ઘરભેગી કરવાનો આક્ષેપ
• ડિરેકટર સંજય પટેલ અને ચેરમેન દિનેશ પટેલનો વિખવાદ જવાબદાર

ઊંઝા APMCમાં આક્ષેપબાજીનો દોર અને કૌભાંડની શકયતા સેવાઇ રહી છે. 15 કરોડની સેસની આવક ઘરભેગી કરવાનો આક્ષેપ કરાયો છે. ડિરેકટર સંજય પટેલ અને ચેરમેન દિનેશ પટેલનો વિખવાદ જવાબદાર છે. ઊંઝા APMCના ડિરેકટરના ભત્રીજા અને કલાર્ક તરીકે ફરજ બજાવતા સૌમિલે આક્ષેપ કર્યો છે.

કલાર્ક સૌમિલ પટેલે CM રૂપાણીને પણ લેખિત રજૂઆત કરી

ઊંઝા APMCના ચેરમેન દિનેશ પટેલે સેસની આવક ઘરભેગી કરી હોવાનો આક્ષેપ કર્યો છે. કલાર્ક સૌમિલ પટેલે CM રૂપાણીને પણ લેખિત રજૂઆત કરી છે.

ચેરમેને પોતાના પર લાગેલા આક્ષેપો ફગાવ્યા

ચેરમેને પોતાના પર લાગેલા આક્ષેપો ફગાવ્યા છે. ચેરમેને કહ્યું આક્ષેપ કરનારાઓની GST ચોરી કેસમાં સંડોવણી છે. GST ચોરી કેસમાં મદદ નહીં કરતા મારા પર આક્ષેપ લગાવાયા છે. ડિરેકટરે પોતાના ભત્રીજા મારફતે કેમેરા લગાવી મારા પર આક્ષેપ કર્યા છે. સંજય પટેલ નામના ડિરેકટર જી એસ ટી ચોરીમાં સંડોવાયેલા છે.તો કો ઓપટ સભ્ય મીનાબેન પટેલ ના દિયર ધર્મેન્ડ ઉર્ફે ધમો.મિલન જુગાર ના કેસમાં પકડાયો હતો.આ કેસમાં મદદ નહીં કરતા સંજય પટેલે પોતાના ભત્રીજા અને કર્મચારી સૌમિલ પટેલ મારફતે કેમેરા લગાવ્યા હતા.અને ત્યારબાદ આક્ષેપ કરવામાં આવ્યા છે

સળગતા સવાલ

• ઊંઝા APMCમાં કૌભાંડ કરનારાઓ કોણ?
• આરોપ-પ્રત્યારોપ વચ્ચે કોણ કરી ગયું કૌભાંડ?
• 15 કરોડની સેસ ચેરમેન દિનેશ પટેલે ઘર ભેગી કરી તો તેની તપાસ કેમ નહી?
• બચાવ માટે GST ચોરી કેસમાં મદદ ન કરી હોવાના તથ્યોની તપાસ થશે?
• શું ખરેખર GSTની ચોરી આરોપ લગાવનારાઓ દ્વારા કરાઈ છે?
• આરોપ લગાવનારા જ આરોપી છે કે પછી ચેરમેન પોતાના બચાવમાં પલટવાર કરે છે?
• ચેરમેન-ડિરેક્ટર વચ્ચેના વિવાદમાં રૂપિયા કોણ ચાઉ કરી ગયું તેની તપાસ કેમ નહી?