આશા પટેલની કાર્યકરો સાથેની બેઠક મામલે ઊંઝા નગરપાલિકાના પૂર્વ પ્રમુખનું મહત્વનું નિવેદન

ઊંઝાના પૂર્વ ધારાસભ્ય આશા પટેલ ભાજપમાં જોડાય તે માટે ગતિવિધિઓ તેજ કરવામાં આવી છે. આશા પટેલને ભાજપમાં જોડવા માટે ઊંઝા નગરપાલિકાના પૂર્વ પ્રમુખ શિવમ રાવલના બાલાજી રિસોર્ટમાં બેઠકનુ આયોજન કરવામાં આવ્યું છે. કાર્યકરોની બેઠક બાદ આશા પટેલ ભાજપમાં જોડાય તેવી પ્રબળ શક્યતા છે. 

આ અંગે શિવમ રાવલે જણાવ્યું હતું કે ઊંઝાના યુવા કાર્યકરોની બેઠક બોલાવાઈ છે. આશાબેન ભાજપમાં જોડાય તેવી કાર્યકરોની લાગણી છે. આશાબેનને ભાજપમાં જોડાવા માટે અમે અપીલ કરીશું. મહત્વનું છે કે કાર્યકરોની આ બેઠક બાદ આશા પટેલ આવતીકાલે કેસરિયા કરી શકે છે.

પૂર્વ ધારાસભ્ય આશાબેન પટેલે પોતાના પદ પરથી રાજીનામુ આપ્યુ છે. ત્યારે હવે આશાબેન પટેલ ભાજપમાં જોડાય તેવી ચર્ચાઓ ચાલી રહી છે. આજે આશાબેન પટેલ ઊંઝામાં કાર્યકરો સાથે બેઠક કરી. આ બેઠક બાદ આશાબેન પટેલ ભાજપમાં જોડાય તેવી ચર્ચાઓ ચાલી રહી છે. આ બેઠક પહેલા આશાબેને ભાજપમાં જોડાવવાના સંકેત આપ્યા છે.