વડાપ્રધાન નરેન્દ્ર મોદીની સરકાર ભારતીય વિદ્યાર્થીઓ માટે એક મહત્વનું પગલું ભરવા જઈ રહી છે. આ પગલાથી ઓક્સફર્ડ અને સ્ટેનફોર્ડ જેવી અગ્રણી વિદેશી યુનિવર્સિટીઓના કેમ્પસ દેશમાં સ્થાપવાનો માર્ગ મોકળો થશે.
ભારતમાં ખુલશે Oxford, Stanford જેવી યુનિવર્સિટી!
ખૂબ જ ખાસ છે મોદી સરકારનો આ નિર્ણય
UGCની અંતિમ મંજૂરી બાદ લેવાશે નિર્ણય
ભારતે યેલ, ઓક્સફર્ડ અને સ્ટેનફોર્ડ જેવી અગ્રણી વિદેશી યુનિવર્સિટીઓના કેમ્પસ દેશમાં સ્થાપવા અને ડિગ્રી એનાયત કરવાની મંજૂરી આપવાની દિશામાં એક મહત્વનું પગલું ભર્યું છે. એક રિપોર્ટ અનુસાર, યુનિવર્સિટી ગ્રાન્ટ્સ કમિશન (UGC)એ ગુરુવારે જાહેર પ્રતિસાદ માટે એક ડ્રાફ્ટ કાયદો રજૂ કર્યો છે. આ દેશમાં પ્રથમ વખત વિદેશી શૈક્ષણિક સંસ્થાઓના પ્રવેશ અને સંચાલનનો માર્ગ મોકળો કરશે.
ફેકલ્ટી અને સ્ટાફની ભરતી કોણ કરશે?
UGC ડ્રાફ્ટ અનુસાર, વિદેશી શૈક્ષણિક સંસ્થાઓના સ્થાનિક કેમ્પસ જ સ્થાનિક અને વિદેશી વિદ્યાર્થીઓ માટે પ્રવેશ માપદંડ (admission criteria), ફી માળખું (fee structure) અને શિષ્યવૃત્તિ (scholarship) પર નિર્ણય લેશે. આ સંસ્થાઓને ફેકલ્ટી અને સ્ટાફની ભરતી કરવાની સ્વાયત્તતા હશે.
પોસાય તેવા ખર્ચે વિદેશી ડિગ્રી
વડાપ્રધાન નરેન્દ્ર મોદીની સરકાર ભારતીય વિદ્યાર્થીઓને પોસાય તેવી કિંમતમાં વિદેશી ડિગ્રી અપાવવા અને ભારતને એક આકર્ષક વૈશ્વિક અભ્યાસ સ્થળ બનાવવા માટે દેશના ઉચ્ચ નિયમનવાળા શિક્ષણ ક્ષેત્રમાં આમૂલ પરિવર્તન પર ભાર આપી રહી છે. આ પગલાથી વિદેશી સંસ્થાઓને દેશની યુવા વસ્તીને શિક્ષિત કરવાની તક મળશે.
વૈશ્વિક રેન્કિંગમાં નબળું પ્રદર્શન
ભારતની યુનિવર્સિટીઓ અને કોલેજોએ માઈક્રોસોફ્ટથી લઇને આલ્ફાબેટ ઇન્ક જેવી દિગ્ગજ કંપનીના મુખ્ય કાર્યકારી અધિકારી (chief executive officers) આપ્યા છે. પરંતુ વૈશ્વક રેન્કિંગ ખૂબ જ ખરાબ રહી છે. 2022 ગ્લોબલ ટેલેન્ટ કોમ્પિટિટિવનેસ ઈન્ડેક્સમાં 133 દેશોમાંથી ભારત 101માં ક્રમે છે, જે કોઈ દેશની પ્રતિભાને વિકસાવવા, આકર્ષિત કરવા અને જાળવી રાખવાની ક્ષમતાને માપે છે.
મંજૂરી માટે સંસદમાં રજૂ કરવામાં આવશે
કેટલીક વિદેશી યુનિવર્સિટીઓએ પહેલાથી જ ભારતીય સંસ્થાઓની સાથે ભાગીદારી સ્થાપિત કરી લીધી છે, જેનાથી વિદ્યાર્થીઓને આંશિક રીતે ભારતમાં અભ્યાસ કરવા છે અને વિદેશમાં મુખ્ય કેમ્પસમાં તેમની ડિગ્રીઓ પૂર્ણ કરવાની અનુમતિ મળી ગઈ છે. વર્તમાન પગલું આ વિદેશી સંસ્થાઓને સ્થાનિક ભાગીદારો વિના કેમ્પસ સ્થાપવા માટે પ્રોત્સાહિત કરશે. યુનિવર્સિટી ગ્રાન્ટ્સ કમિશનના અંતિમ ડ્રાફ્ટને કાયદો બને તે પહેલા સંસદમાં મંજૂરી માટે રજૂ કરવામાં આવશે.