નિતિન ગડકરી તરફથી રાજ્યસભામાં આપવામાં આવેલ જાણકારી અનુસાર નવું ડ્રાઇવિંગ લાયસન્સ વગર ચિપવાળું લેમિનેટેડ કાર્ય અથવા તો પછી સ્માર્ટ કાર્ડનાં રૂપમાં રજૂ કરવામાં આવશે. આ સ્માર્ટ ડ્રાઇવિંગ લાયસન્સ માઇક્રોચિપ અને ક્યૂઆર કોડ હશે, કે જેમાં આપની યાતાયાત નિયમોનાં ઉલ્લંઘન સંબંધી તમામ જાણકારીઓ હશે. આને લઇને માર્ગ પરિવહન અને રાજમાર્ગ મંત્રાલય તરફથી 1 માર્ચ 2019નાં રોજ નોટિફિકેશન પણ રજૂ કરી દેવામાં આવેલ છે.
ન્યૂ દિલ્હીઃ કેન્દ્ર સરકાર માર્ગો પર ગાડી અને ડ્રાઇવરની ઓળખને સરળ બનાવવા માટે સતત કાર્ય કરી રહી છે. ત્યારે આ માટે પૂરા દેશમાં હવે એક સમાન જ ડ્રાઇવિંગ લાયસન્સ અને રજિસ્ટ્રેશન સર્ટિફિકેટ (આરસી)નો નિયમ બનાવવામાં આવ્યો છે. આ નવો નિયમ 1 ઓક્ટોબર 2019થી પૂરા દેશમાં લાગુ થઇ જશે. એટલે કે 1 ઓક્ટોબર 2019 બાદ પૂરા દેશમાં રજૂ થનાર ડ્રાઇવિંગ લાયસન્સ (driving license) અને આરસી એક સમાન થશે. આ જાણકારી માર્ગ પરિવહન અને રાજમાર્ગ મંત્રી નિતિન ગડકરીએ સોમવારનાં રોજ સંસદમાં આપી છે.
સ્માર્ટ થશે ડ્રાઇવિંગ લાયસન્સઃ
નિતિન ગડકરી તરફથી રાજ્યસભામાં આપવામાં આવેલ જાણકારી અનુસાર નવું ડ્રાઇવિંગ લાયસન્સ વગર ચિપવાળું લેમિનેટેડ કાર્ય અથવા તો પછી સ્માર્ટ કાર્ડ (Universal smart card) નાં રૂપમાં રજૂ કરવામાં આવશે. આ સ્માર્ટ ડ્રાઇવિંગ લાયસન્સ માઇક્રોચિપ અને ક્યૂઆર કોડ હશે, કે જેમાં આપની યાતાયાત નિયમોનાં ઉલ્લંઘન સંબંધી તમામ જાણકારીઓ હશે. આને લઇને માર્ગ પરિવહન અને રાજમાર્ગ મંત્રાલય તરફથી 1 માર્ચ 2019નાં રોજ નોટિફિકેશન પણ રજૂ કરી દેવામાં આવેલ છે.
આખા દેશમાં હશે એક સમાન ફોર્મેટઃ
માર્ગ પરિવહન અને રાજમાર્ગ મંત્રાલય (Ministry of Road Transport and Highways) તરફથી રજૂ કરવામાં આવેલ નોટિફિકેશન અનુસાર, 1 ઓક્ટોબર 2019થી આખા દેશમાં એક જ ફોર્મેટમાં ડ્રાઇવિંગ લાયસન્સ અને આરસી કરી નાખવામાં આવશે. જેમાં સામેની તરફથી ચિપ અને પાછળની બાજુએ ક્યૂઆર કોડ હશે. આ ચિપ અને બારકોડમાં લાયસન્સ હોલ્ડર અને વાહનની સમસ્ત જાણકારી હશે. ક્યૂઆર કોડની મદદથી કેન્દ્રીય ઓનલાઇન ડેટાબેસથી ડ્રાઇવર અથવા વાહનનો પૂરો રેકોર્ડ એક ડિવાઇસને આધારે વાંચી શકાશે.
ફોન્ટ અને રંગ પણ હશે એક સમાનઃ
નોટિફિકેશન અનુસાર, 1 ઓક્ટોબર 2019થી રજૂ થનાર ડ્રાઇવિંગ લાયસન્સ અને આરસીનો રંગ પણ એકસમાન રહેશે. નોટિફિકેશનમાં ડ્રાઇવિંગ લાયસન્સ અને આરસી પર દાખલ કરવામાં આવતી જાણકારીનાં ફોન્ટ પણ નક્કી કરી દેવામાં આવેલ છે.