યૂનિવર્સલ હોન્ડાએ ઇનોવેટીવ હોન્ડાના નામે બીલો બનાવી સસ્પેન્શન દરમિયાન પણ વાહનો વહેંચી નિયમોની કરી 'ઐસી - તૈસી'.
યૂનિવર્સલ હોન્ડાએ RTO નિયમના ઉડાવ્યા ધજાગરા
ટેમ્પરરી રજિસ્ટ્રેશન વગર બાઈક વહેચતા પોલીસે RTO માં કરી ફરીયાદ
ડિલરને RTO દ્રારા 15 દિવસનુ અપાયું હતું સસ્પેનશન
કોરોનાકાળ બાદ બજારો સામાન્ય થઇ રહ્યા છે ત્યારે દ્વિ-ચક્રીવાહનોની માંગ પણ વધતી ચાલી. આ દરમિયાન એક બાઈક ડિલર કામચલાઉં ( ટેમ્પરરી રજીસ્ટ્રેશન ) વગર જ બાઈક વેંચવા માંડતા પોલીસે ડીલર વિરૂધ ફરિયાદ નોંધાવી હતી. RTOના નિયમ વિરૂદ્ધ યૂનિવર્સલ હોન્ડાએ વાહનો વેંચવાનો સિલસિલો યથાવત રાખ્યો હતો.પરિણામે, યૂનિવર્સલ હોન્ડા ડિલરને RTO દ્વારા 15 દિવસનું સસ્પેન્શન આપવામા આવ્યું હતુ, જો કે, યૂનિવર્સલ હોન્ડાએ ઇનોવેટીવ હોન્ડાના નામે બીલો બનાવી સસ્પેન્શન દરમિયાન પણ વાહનો વહેંચ્યા હતા. આમ, યૂનિવર્સલ હોન્ડાએ નિયમોની 'ઐસી - તૈસી' કરી હતી. સમગ્ર મામલો પ્રકાશમાં આવતા આ મામલે RTOને જાણ થતા તપાસનો ધમધમાટ શરૂ થયો છે.
ડિલરોના ધુપ્પલ
RTOના નિયમ મુજબ વાહનના TC નંબર સિવાય કોઈપણને વેચી શકાય નહી, તેમ છતાં RTO અધિકારીઓએ આપેલી માહિતી અનુસાર અગાઉ પણ TC નંબર વગર વાહન વેચવા બદલ અને TC રિન્યુ નહીં કરાવનાર ચાર જેટલા વાહન ડિલરના TC તા.18મી ઓગસ્ટથી ૩ સપ્ટે. દરમિયાન બ્લોક કરવામાં આવ્યા હતા. TC નંબર બ્લોક હોય ત્યારે કોઇ પણ વાહન ડિલર પોતાના શો રૂમ પરથી વાહન વેચી શકે નહીં અથવા કોઇ ડિલરને વાહન આપી શકે નહીં. આમ,TC બ્લોક હોવા છતાં હોન્ડાએ પોતાના શો રૂમ પરથી 200 જેટલા ટુ-વ્હીલર વેચ્યા હતાં અને રોકડી કરી લેવાઈ હતી. ઇનોવેટીવ હોન્ડાએ પોતાના શો રૂમ પરથી વિવિધ ગ્રાહકોને વાહનો વેચી દેવામાં આવ્યા હતાં. આ વેચાણ નિયમ વિરૂદ્ધ રહેલા છે. હજી તપાસ કરવામાં આવી રહી છે. TC નંબર વાહન વેચવા બદલ અને રિન્યુ નહીં કરાવનાર બાઇક ઓટો,યૂનિવર્સલ હોન્ડા, કિરણ મોટર્સ, પટેલ સુઝુકીના TC બ્લોક કરવામાં આવ્યા હતાં. TC નંબર બ્લોક કર્યા તે દરમિયાન યૂનિવર્સલ હોન્ડાએ 200 વાહનો ઇનોવેટીવ હોન્ડાને વેંચી દીધા હતા. જેથી બંને વાહન ડિલરોને નોટીસ ફટકારવામાં આવી છે. હજી તપાસ ચાલી રહી છે. RTO અધિકારીઓ વાહન ડિલરોના શોરૂમ પર જઇને તપાસ હાથ ધરી રહ્યા છે. સમગ્ર તપાસ રિપોર્ટ ગાંધીનગર મોકલવામાં આવશે.