સ્ટુડન્ટ વિઝા પર અમેરિકા ભણવા જનારા વિદ્યાર્થીઓને હવે કોરોના મહામારીમાં મોટો ઝટકો લાગ્યો છે. અમેરિકાએ સોમવારે એવા વિદ્યાર્થીઓના સ્ટુડન્ટ વિઝા પરત લેવાની જાહેરાત કરી છે જેમના ક્લાસ કોરોના વાયરસના કારણે ફક્ત ઓનલાઈન રીતે લેવાઈ રહ્યા છે. આ કારણે હવે ઓનલાઈન ભણનારા વિદ્યાર્થીઓને મોટો ઝટકો લાગશે, અમેરિકા ઓનલાઈન ભણતા વિદ્યાર્થીઓને વિઝા આપશે નહીં અને તેઓએ અમેરિકા છોડીને પોતાના દેશ પરત આવવાનું રહેશે. ઉલ્લેખનીય છે કે અત્યારે અમેરિકામાં 11 લાખથી વધારે વિદેશી વિદ્યાર્થીઓ અભ્યાસ કરી રહ્યા છે.
એક રિપોર્ટ અનુસાર ઈમીગ્રેશન અને કસ્ટમ એનફોર્સમેન્ટનું કહેવું છે કે અમેરિકામાં સ્ટુડન્ટ વીઝા પર આ રીતે વિદ્યાર્થીઓને પ્રવેશ અપાશે નહીં. આઈસીઈએ કહ્યું છે કે અમેરિકામાં ભણનારા વિદેશી વિદ્યાર્થીઓ જેમનો શાળાનો અભ્યાસ ફક્ત ઓનલાઈન થઈ રહ્યો છે તેમને દેશમાં પ્રવેશ માટે પ્રતિબંધિત ગણાવ્યા છે. આ સાથે જ તેઓએ અમેરિકા છોડીને જવું પડશે.
ઉલ્લેખનીય છે કે અત્યારે 11 લાખથી વધુ વિદેશી વિદ્યાર્થીઓ પાસે અમેરિકાના સક્રિય વિદ્યાર્થી વિઝા છે. ઈસીઈના આધારે એફ 1ના વિદ્યાર્થીઓ શૈક્ષણિક પાઠ્યક્રમ કાર્યમાં સામેલ થાય છે જ્યારે એમ -1 વિદ્યાર્થીઓ વોકેશનલ કોર્સવર્ક કરે છે.