અમેરિકા રસી મોકલવા માટે તૈયાર છે પણ ભારતની લીલી ઝંડીની જોઈ રહ્યું છે રાહ.
અમેરિકા રસી ભારતમાં મોકલવા માટે તૈયાર
ભારત સરકાર પાસેથી લીલી ઝંડી મળવાની રાહ
બાયડને રસીના આઠ કરોડ ડોઝ ભારત મોકલવાનું એલાન કર્યુ હતુ
અમેરિકા રસી ભારતમાં મોકલવા માટે તૈયાર
સંયુક્ત રાજ્ય અમેરિકાએ મંગળવારે કહ્યું કે તે કોરોનાની રસી ભારતમાં મોકલવા માટે તૈયાર છે. પરંતુ હાલમાં ભારત સરકાર પાસેથી લીલી ઝંડી મળવાની રાહ છે. જેમણે અમેરિકનોને કહ્યું છે કે તેમને રસી દાન સ્વીકાર કરવા માટે સંબંધિત કાયદાની જોગવાઈની સમીક્ષા કરવા માટે સમય જોઈએ છે.
મે ભારત સરકારની લીલી ઝંડીની રાહમાં- યુએસએ
વિદેશ વિભાગના પ્રવક્તા નેડ પ્રાઈસને પોતાના દૈનિક સમાચાર સમ્મેલનમાં સંવાદદાતાઓને કહ્યું કે અમે રસીને તાત્કાલીક મોકલવા માટે તૈયાર છીએ પરંતુ અત્યારે અમે ભારત સરકારની લીલી ઝંડીની રાહમાં છીએ.
બાયડને રસીના આઠ કરોડ ડોઝ ભારત મોકલવાનું એલાન કર્યુ હતુ
અમેરિકાના જો બાયડન પ્રશાસને ભારત સહિત દુનિયાભરના દેશોને પોતાના ઘરેલું ભંડારમાંથી રસીના આઠ કરોડ ડોઝ મોકલવાનું એલાન કર્યું છે. હાલના અઠવાડિયામાં અમેરિકન રસી પાકિસ્તાન, નેપાળ, ભૂતાન અને બાંગ્લાદેશ સહિત દુનિયાભરના દેશોમાં પહોંચી છે. જોકે અમેરિકાથી ભારત રસી નથી મોકલી શકાઈ કેમ કે ભારત સરકારે હજું સુધી આ પ્રકારની ઈમરજન્સી આયાત માટેના જરુરી કાયદાના અવરોધોને દૂર નથી કર્યા.
રસીના દાનને સ્વીકાર કરતા પહેલા ભારત કરવા માંગે છે આ કામ
પ્રાઈસે કહ્યું કે અમે રસીના ડોઝ મોકલીએ તે પહેલા તમામ દેશોએ પોતાના ઘરેલુ પરિચાલન, નિયામક અને કાયદાકીય પ્રક્રિયા પુરી કરવી પડશે જે પ્રત્યેક દેશ માટે અલગ અલગ છે. હાલમાં ભારતે નક્કી કર્યુ છે કે તે રસીના દાનને સ્વીકાર કરતા પહેલા સંબંધિત કાયદાની જોગવાઈની સમીક્ષા કરવા માટે હજું સમય જોઈએ છે. તેમણે કહ્યું જ્યારે ભારત પોતાની કાયદાકિય પ્રક્રિયાને પુરી કરી લેશે ત્યારે દાન સ્વરુપે ભારતને રસી મોકલવાનું કામ ઝડપથી આગળ વધશે.