ખતરાની ઘંટડી / 24 લાખની વસ્તી ધરાવતા આ શહેરમાં માત્ર 6 ICU બેડ ખાલી, અમેરિકામાં કોરોનાથી ફરી હાલત ખરાબ

અમેરિકાનાં રોજના એકાદ લાખ જેટલાં કોરોનાનાં કેસ નોંધાતા સ્વાસ્થ્ય વિભાગ દ્વારા નાગરિકોને ખતરાની ચેતવણી આપવામાં આવી હતી. 

ટેક્સાસ રાજ્યનો ઓસ્ટિન વિસ્તાર પ્રભાવિત 

અમેરિકાનાં ઓસ્ટિન વિસ્તાર ટેક્સાસ રાજ્યમાં આવેલ છે જેમાં 24 લાખની વસ્તી વસવાટ કરે છે. આ વિસ્તારમાં હવે માત્ર 6 ઇન્ટેનસીવ કેર યુનિટ બેડ બાકી બચ્યા છે બાકીનાં તમામ બેડ ભરાઈ ચૂક્યા છે. ભારત સહિતનાં દેશો માટે ત્રીજી લહેરની વાપસી માટે આઅ ખતરાની ઘંટડી સમાન સમાચાર છે. 

313 વેન્ટિલેટર હાજર 
આ રાજ્યના સ્વાસ્થ્ય વિભાગના આંકડાઓ મુજબ ઓસ્ટિનમાં માત્ર છ ICU બેડ બાકી વધ્યા છે અને 313 વેન્ટિલેટર બાકી બચ્યા છે. પબ્લિક મેડિકલ ડિરેક્ટર ડેસ્મારે જણાવ્યું હતું કે અહીં સ્થિતિ ગંભીર છે. સ્થાનિકોને ટેક્સ્ટ મેસેજ, ઈમેઈલ અને ફોન કોલ્સ દ્વારા આપત્તિની ચેતવણી પણ આપવામાં આવી હોવાનું જણાવાયું હતું. આપણી હોસ્પિટલ પર બોજ વધી રહ્યો છે અને આપણે વધી રહેલા કેસો સામે બનતું તમામ કરવું જોઈએ. 

માસ્ક અને અન્ય નીયમોનું પાલન કરવા જણાવાયું 
વેકસીનેટેડ લોકોને પણ સ્વાસ્થ્ય વિભાગ દ્વારા માસ્ક સહિતના નિયમો પાળવા માટે વિનંતી કરવામાં આવી હતી. એક મહિનામાં હોસ્પિટલમાં દાખલ થવાનો દર 600% જેટલો વધી ગયો હતો. વેન્ટિલેટર પર રહેલા દર્દીઓની સંખ્યા 102 સુધી પહોંચી ગઈ હતી. એકલા ઓસ્ટિનમાં કેસોની સંખ્યા દસ ગણી થઈ ગઈ હતી. 

દેશમાં એક દિવસના એક લાખ કેસ 
દેશભરમાં નવા ઇન્ફેક્શનની સંખ્યા એક લાખ કરતાં વધી ગઈ હતી. શુક્રવારે અઠવાડિક કેસોની સંખ્યા 7,50000 કરતાં વધારે નોંધાઈ હતી. છેલ્લા એક મહિનામાં રોજના મૃત્યુની સંખ્યા ડબલ થઈ ગઈ હતી. 

અમેરિકન રાષ્ટ્રપ્રમુખના ચીફ મેડિકલ અડવાઇઝર એન્થની ફોસીએ જણાવ્યું હતું કે આઅ ખરેખર ખરાબ વળાંક છે. ટેક્સાસ સિવાય ફ્લોરિડામાં પણ કેસોની સંખ્યા વધી રહી છે. 40 % કરતાં વધારે ઇન્ફેકશન દર નોંધાયો હતો. 

ભયાનક પરિસ્થિતિનો ચિતાર 

ટેક્સાસની વસ્તી 2.9 કરોડ જેટલી છે જેમાં 439 ICU બેડ બાકી બચ્યા છે જ્યારે 6991 વેન્ટિલેટર બચ્યા છે. હોસ્ટનમાં 67 લાખ વસ્તી છે જય 41 ICU બેડ બાકી બચ્યા છે. ગ્રેટર ડલાસમાં 80 લાખ વસ્તી છે અને ત્યાં 110 ICU બેડ બાકી બચ્યા છે. શુક્રવારે ટેક્સાસમાં 23,096 કેસ વધ્યા હતા.