મહામારી / માંડ કોરોના ઓછો થયો ત્યાં 'વિચિત્ર' વાયરસની એન્ટ્રી, ઘરે બેઠા બેઠા જ ઝપેટમાં આવી રહ્યા છે લોકો

• બ્રિટનમાં મંકિપોક્સ નામનો નવો વાયરસ ફેલાયો
• બે કેસો નોંધાતા ફફડાટ વ્યાપ્યો
• આફ્રિકી દેશોમાંથી આવ્યો હોવાનું અનુમાન
• બહારથી નહીં પણ ઘેર બેઠા બેઠા જ સંક્રમિત કરી શકે છે 

દુનિયામાં હાલમાં કોરોનાનો પ્રકોપ ઘણો ઓછો થતા જનજીવન સામાન્ય થઈ રહ્યું છે ત્યારે નવા વાયરસે ચિંતા વધારી છે. 

ઘેર બેઠા બેઠા સંક્રમિત કરી રહ્યો છે વાયરસ 
મંકીપોક્સના બે કેસો  બ્રિટનમાં નોંધાયા છે. વૈજ્ઞાનિકોના જણાવ્યાનુસાર આ વાયરસ આફ્રિકામાં જોવા મળે છે. તેની ખાસ વાત એ છે કે જે લોકોોમાં આ વાયરસની ઓળખ થઈ છે તેઓ ઘેર જ રહેતા હતા એટલે કે જો તમે બહાર ન નીકળો તો પણ આ વાયરસ તમને ઝપટમાં લઈ શકે છે. તેને કારણે લોકોમાં ડર ફેલાયો છે. જોકે વિશેષજ્ઞોના જણાવ્યા પ્રમાણે આ કોઈ નવો વાયરસ નથી પરંતુ ઘણો જુનો વાયરસ છે.

બ્રિટનની બહાર સંક્રમિત થયા હોવાનું મનાય છે

બ્રિટિશ વેબસાઈટના જણાવ્યાનુસાર, આ બન્ને લોકોને બ્રિટનમાંથી નહીં પરંતુ બહારથી ક્યાંય મંકિપોક્સનો ચેપ લાગ્યો હોવાનું મનાઈ રહ્યું છે. તેમને ઘેર બેઠા જ ચેપ લાગ્યો છે. બ્રિટનના પબ્લિક હેલ્થ ઈંગ્લેન્ડ કોન્ટેક્ટ ટ્રેસિંગના કામમાં લાગી ગયો છે. પબ્લિક હેલ્થ ઈંગ્લેન્ડની પણ આ ઘટનાક્રમ પર નજર છે.

કેટલા પ્રકારનો હોય છે મંકીપોક્સ 
વિશેષજ્ઞોના જણાવ્યાનુસાર, આ વાયરસની બે પ્રજાતિ હોય છે. પશ્ચિમ આફ્રિકી અને મધ્ય આફ્રિકી. આ વાયરસ મોટાભાગે ઉષ્ણકટિબંધીય વર્ષાવનોની પાસે, મધ્ય અને પશ્ચિમ આફ્રિકી દેશોના દૂરદૂરના વિસ્તારોમાં ફેલાય છે. મંકીપોક્સ વાયરસ ઘણી રીતે સ્મોલપોક્સ વાયરસની જેમ હોય છે.

કેટલો ખતરનાક છે મંકિપોક્સ 
વૈજ્ઞાનિકોએ જણાવ્યું કે સંક્રમણની સંભાવના ઘણી ઓછી છે. જોકે આ બીમારીમાં ડેથ રેટ 11 ટકા સુધી જઈ શકે છે. સારી વાત એ છે કે સ્મોલપોક્સથી રક્ષણ આપનાર વેક્સિન આ વાયરસની સામે પણ અસરકારક છે. 

મંકિપોક્સના લક્ષણો
મંકિપોક્સ વાયરસના કેસમાં શરુઆતમાં તાવ, માથાનો દુખાવો, સોજો, કમરમાં દર્દ, માંસપેશીઓમાં જડતા તથા દર્દ જેવા લક્ષણો જોવા મળે છે તેમાં શીતળાના રોગની જેમ દાણા પણ નીકળે છે જે તાવની સાથે આખા શરીરમાં ફેલાય છે. મંકિપોક્સ વાયરસ 14 થઈ 21 દિવસ સુધી જીવિત રહે છે.