બ્રિટને જાહેરાત કરી છે કે ગ્રૂપ ઓફ સેવન (G7) વર્ષ 2022ના અંત સુધી દુનિયાને કોરોનાની વેક્સિનના 100 કરોડ ડોઝ આપશે. બ્રિટન આ શિખર સંમેલનની દક્ષિણ -પશ્ચિમ ઈંગ્લેન્ડમાં આયોજન કરી રહ્યું છે.
બ્રિટને કરી મોટી જાહેરાત
G7નું દક્ષિણ -પશ્ચિમ ઈંગ્લેન્ડમાં આયોજન કરી રહ્યું છે
બ્રિટને જાહેરાત કરી છે કે ગ્રૂપ ઓફ સેવન (G7) વર્ષ 2022ના અંત સુધી દુનિયાને કોરોનાની વેક્સિનના 100 કરોડ ડોઝ આપશે. બ્રિટન આ શિખર સંમેલનની દક્ષિણ -પશ્ચિમ ઈંગ્લેન્ડમાં આયોજન કરી રહ્યું છે. તેણે કહ્યું કે તે આવનારા વર્ષમાં ઓછામાં ઓછી 100 કરોડ ડોઝ આપશે. તેમાંથી વેક્સિનના 50 લાખ ડોઝ આવનારા અઠવાડિયામાં દાન કરશે. જી-7 દુનિયાના સૌથી અમીર 7 દેશ કેનેડા, ફ્રાન્સ, જર્મની, ઈટાલી, જાપાન, અમેરિકા અને બ્રિટનનું સંગઠન છે.
ખાસ સમયે કરાઈ છે આ જાહેરાત
ઉલ્લેખનીય છે કે આ જાહેરાત એવા સમયે કરાઈ છે જ્યારે અમીર દેશોને કહેવાઈ રહ્યું છે કે તેઓ ઓછા વિકસિત દેશોને કોરોના વેક્સિનેશનમાં મદદ કરે. આ પહેલા અમેરિકાના રાષ્ટ્રપતિ જો બાઈડને 100 ગરીબ દેશોને ફાઈઝરની કોરોના વેક્સિનના 50 કરોડ ડોઝ ફ્રીમાં આપવાની જાહેરાત કરી હતી. સાથે કહ્યું હતું કે અન્ય સંપન્ન દેશ આ જાહેરાતનું અનુસરણ કરે. આ પહેલા ગુરુવારે ફ્રાન્સના રાષ્ટ્રપતિ ઈમૈનિએલ મૈક્રોંએ અમેરિકી પ્રતિબદ્દતાનું સ્વાગત કર્યું અને કહ્યું કે યૂરોપે પણ આવું કરવું જોઈએ. તેઓએ કહ્યું કે ફ્રાન્સ વર્ષના અંત સુધી વિશ્વ સ્તરે ઓછામાં ઓછા 3 કરોડ ડોઝ આપશે.
જી-7 દેશોના નેતાઓ પર વધી રહ્યો છે દબાણ
જી-7 દેશના નેતાએ પોતાની વૈશ્વિક વેક્સિનની વહેંચણીની યોજનાની રૂપરેખા તૈયાર કરતી સમયે વધતા દબાણનો સામનો કર્યો છે. સ્પષ્ટ રીતે દુનિયાભરમાં વેક્સિનની આપૂર્તિમાં મોટી અસમાનતા જોવા મળી રહી છે. અમેરિકાની પાસે વેક્સિનનો ભંડાર છે અને હાલના અઠવાડિયામાં ત્યાં તેની માંગમાં મોટો ઘટાડો પણ જોવા મળી રહ્યો છે. અમેરિકી રાષ્ટ્રીય સુરક્ષા સલાહકાર જેક સુલિવને કહ્યું છે કે જી-7ના નેતા વિચાર કરી રહ્યા છે કે વેક્સિનની આપૂર્તિ અનેક રીતે વધી શકે છે. તેમાં પોતાના ડોઝ શેર કરવાનું સામેલ છે.