અભણ લોકો માટે પાઠશાળા આપણે જોયા છે. સરકાર દ્વારા પણ અનેક પ્રયાસો કરવામાં આવી રહ્યા છે. પરંતુ શું તમે એવી પાઠશાળા જોય છે. જ્યાં 40થી 60 વર્ષના પીઢ લોકો નહીં પરંતુ જેમને હવે માળા ઝપવાનો સમય આવી ગયો છે તે ભણતરના પાઠ ભણી રહી છે. નહીં જ જોય હોય.
ગુજરાતની અનોખી શાળા
60-70 વર્ષની વૃદ્ધ મહિલાઓ કરે છે અભ્યાસ
ભરુચ શહેરના સલમ વિસ્તાર ફાટા તલાવ વૈરાગી વાડ વિસ્તારમાં પતરા નીચે ઓરડીમાં ચાલી રહી છે. આ અનોખી સ્કૂલ,અહીંયા ભણતર મેળવવા માટે બાળકો નહીં પરંતુ આવી રહ્યા છે વૃધ્ધો અને મહિલાઓ અને શીખી રહ્યા છે.
મહિલાના ઉત્થાન માટે ચાલી રહ્યા છે ક્લાસ
ક.ખ.ગ અને 1 થી 10 તેમજ ગુજરાતી લખતા વાંચતા,સમાજમાં અત્યાર સુધી ભણતર વગર જીવન ગુજારતી મહિલાઓના ઉત્થાન માટે સામાજીક કાર્યકર્તા ચંન્દ્રીકા બેન પરમાર દ્વારા આ કલાસ વિસ્તારના લોકો માટે ચલાવાઈ રહ્યો છે.
60 થી 70 વર્ષની મહિલાઓ મેળવી રહી છે ભણતર
આજના આધુનિક યુગમાં જ્યારે દુનિયા આગળ વધી રહી છે ત્યારે ભણતર થી વંચિત રહેલા લોકોને બેન્કમાં તેમજ અન્ય કચેરીઓમાં સહી કરવામાં પણ મુશ્કેલીઓ પડતી જેના કારણે અંગુઠા મારી પોતાના કાર્ય પાર પાડવા પડતા હતા, પરંતુ હવે કાર્ય ને ભૂતકાળ બનાવવાના સંકલ્પ સાથે 60 થી 70 વર્ષ ની ઉંમર ધરાવતી મહિલાઓ મેળવી રહી છે ભણતર.
સરાહનીય કાર્યને સલામ
હાલ સામાજીક કાર્યકર્તા ચંન્દ્રીકા બેન પરમારના આ કાર્યને લોકો પણ બિરદાવી રહ્યા છે,શહેરની સામાજીક સંસ્થાઓએ પણ આગળ આવી ભણતર મેળવતી મહિલાઓને પુસ્તક સહિતની વસ્તુઓ અર્પણ કરી છે,ત્યારે સમાજમાં ભણતર વગર જીવતા લોકો માટે મદદે આવનાર સામાજિક કાર્યકર્તાના સરાહનીય કાર્યને ખરેખર વખાણવા લાયક છે.