અમદાવાદમાં અનોખો પથ્થર જોવા મળ્યો છે. આ પથ્થરને મોનોલીથ તરીકે ઓળખવામાં આવે છે. અમદાવાદના થલતેજમાં સીમ્ફની ગાર્ડનમાં આ પથ્થર જોવા મળ્યો છે. પિલર જેવા દેખાતા આ પથ્થરમાં પ્રતિબીંબ દેખાય છે. આ પથ્થરને જોવા લોકોમાં કુતૂહલતા જોવા મળી છે. જોકે આ પથ્થરને લઇને કેટલીક અફવાઓ પણ વહેતી થઇ હતી. પરંતુ VTVGujarati.com દ્વારા આ અંગે ફેક્ટ ચેક કરવામાં આવ્યું હતું. જેમાં સત્ય આવ્યું સામે કે ગાર્ડનમાં ક્યાંથી આવ્યો પથ્થર...
અમદાવાદમાં મોનોલીથથી ઓળખાતો પથ્થર જોવા મળ્યો
મોનોલીથને લઇને વિવિધ અફવાઓ ફેલાઈ
પોતાની ઓળખાણ ગુપ્ત રાખવા માંગતા શિલ્પકારે ગાર્ડમાં મુક્યું મોનોલીથ
દેશ દુનિયામાં જોવા મળતો મોનોલીથ પથ્થર અમદાવાદમાં સીમ્ફની ગાર્ડનમાં પણ જોવા મળ્યો છે. આ પ્રિઝમ શેપનો ઘન છે. 2020માં અલગ અલગ 32 જેટલા દેશોમાંથી આવા મોનોલીથ મળી આવ્યા છે. એક જ પથ્થરમાંથી બનેલા એક ઘન બ્લોકને મોનોલીથ કહે છે. હાલના મોનોલીથ એલ્યુમિનિયમ અને સ્ટેઇનલેસ સ્ટીલના બનેલા છે. સિમ્ફની ગાર્ડનમાં જોવા મળેલા મોનોલિથ પથ્થ પર ખાસ પ્રકારનાં નંબરો પણ લખેલા છે.
પોતાની ઓળખાણ ગુપ્ત રાખવા માંગતા શિલ્પકારે અમદાવાદમાં મોનોલીથ મૂક્યું
તેવામાં હવે મોનોલીથને લઇને વિવિધ અફવાઓ ફેલાઈ રહી છે. ત્યારે મીડિયાના અહેવાલ અનુસાર, અમદાવાદમાં તંત્રની પરવાનગીથી મોનોલીથ મુકાયો છે. પોતાની ઓળખાણ ગુપ્ત રાખવા માંગતા શિલ્પકારે અમદાવાદના સીમફની ગાર્ડનમાં મોનોલીથ મૂક્યું હોવાનો દાવો કર્યો છે. મોનોલીથ માણસે જ બનાયેલા છે. મહત્વનું છે કે, AMCએ PPP ધોરણે સીમફની ગાર્ડનનો કાર્યભાર સોંપ્યો છે.
અમદાવાદમાં ફેલાઇ હતી વિવિધ અફવાઓ
સિમ્ફની ગાર્ડનના માળીએ મીડિયાને જણાવ્યું હતું કે, સાંજે ઘરે ગયો ત્યારે ગાર્ડનમાં કોઇપણ પ્રકારનું સ્ટ્રક્ચર નહોતુ. પરંતુ બીજા દિવસે જ્યારે તેઓ કામ કરવા આવ્યા તો આ સ્ટ્રક્ચર હતું. તો કેટલાક લોકોએ તો કહ્યું કે કોઇ ચમત્કાર થયો. ત્યારે હવે VTV દ્વારા તપાસ કરવામાં આવતા જાણવા મળ્યું કે, આ કોઇ ચમત્કાર કે એલિયને નહીં પરંતુ આ પથ્થર શિલ્પકારે ગાર્ડમાં મુક્યો છે અને તેમણે પોતાની ઓળખ ગુપ્ત રાખી છે.
સૌપ્રથમ મોનોલીથ અમેરિકામાં મળી આવ્યો હતો
અમેરિકાના યુટાહ રાજ્યમાંથી સૌપ્રથમ મોનોલીથ નવેમ્બર 2020માં મળી આવ્યો હતો. સ્થાનિક બકરાઓની ગણતરી કરતા વૈજ્ઞાનિકોને હેલિકોપ્ટરમાંથી આ મોનોલીથ દેખાયો હતો. અલગ અલગ શિલ્પકારોએ આવા મોનોલીથ બનાવવાના શરુ કરી દીધા છે.