16 દિવસ શિક્ષણરથ ચલાવી કન્યા કેળવણી માટે 1 કરોડનું દાન ભેગું કર્યું, દીકરીના ભણતર પાછળ ખર્ચાશે રૂપિયા
બનાસકાંઠામાં ઠાકોર સમાજની અનોખી પહેલ
કન્યા કેળવણી માટે શિક્ષણરથનું આયોજન
સમાજમાં શિક્ષણનું પ્રમાણ વધે તે પણ ઉદ્દેશ
બનાસકાંઠામાં ઠાકોર સમાજ દ્વારા અનોખી પહેલ કરવામાં આવી છે.ઠાકોર સમાજમાં શિક્ષણનું પ્રમાણ વધે અને કન્યા કેળવણી માટે સમાજના આગેવાનો દ્વારા શિક્ષણરથનું આયોજન કરવામાં આવ્યું હતું.
ઠાકોર સમાજમાં શિક્ષણનો વ્યાપ વધે તે હેતુથી સમાજનો 16 દિવસથી ચાલતા શિક્ષણરથની આજે પૂર્ણાહુતિ થઈ હતી. જેમાં પૂર્વ મંત્રી કેશાજી ચૌહાણ અને ધારાસભ્ય ગેનીબેન ઠાકોર સમાજના આગેવાનો સાથે ઉપસ્થિત રહ્યા. જેમાં શિક્ષણ માટે ઠાકોર સમાજે 1 કરોડ રૂપિયાનું રોકડ દાન આપી સમાજના શિક્ષણ માટે મદદરૂપ થયા.
આશરે 1 કરોડથી વધુનું દાન એકત્ર
બનાસકાંઠા જિલ્લામાં સૌથી વધુ જનસંખ્યા ઠાકોર સમાજની છે. સમાજમાં શિક્ષણનું પ્રમાણ વધે અને કન્યા કેળવણી માટે સમાજના આગેવાનો દ્વારા શિક્ષણરથ નું આયોજન કરવામાં આવ્યું હતું. જેમાં દિયોદર તાલુકાના 60 ગામડાઓમાં 16 દિવસ સુધી રથ અને આગેવાનોએ શિક્ષણ અને કન્યા કેળવણી માટે દાન મેળવવા પરિભ્રમણ કર્યું. જેમાં 1 કરોડ થી વધુનું દાન મળ્યું. જ્યારે કાર્યક્રમના પ્રથમ દિવસે જ 30 લાખનું દાન મળ્યું હતું. જ્યારે રથના પરિભ્રમણમાં 80 લાખ જેટલું દાન સમાજના લોકોએ અર્પણ કર્યું છે.
કન્યા કેળવણીમાં ખર્ચાશે
આમ 16 દિવસમાં જ શિક્ષણ તેમજ કન્યા કેળવણી માટે 1 કરોડથી વધુનું દાન સમાજના લોકો દ્વારા કરવામાં આવ્યું. સમાજની દીકરી તેમજ દીકરા શિક્ષણ મેળવે તે હેતુ માટે લોકોએ યથાશક્તિ દાન કરી સમાજના શિક્ષણ ને વધુ મજબૂત કરવા આગળ આવ્યા છે.