સુરતઃ નવરાત્રીના પ્રારંભને લઈને રાજ્યમાં તડામાર તૈયારીઓ ચાલી રહી છે. ત્યારે સુરતમાં પણ આ વર્ષે ખૈલેયાઓ નવા સ્ટેમ્પ સાથે નવરાત્રીમાં ધૂમ મચાવવા માટે તૈયાર થઈ ગયા છે. સુરતના ઘોડદોડ રોડ પરના ગરબા કલાસિસે આ વર્ષે નવા સ્ટેપ્સ સાથે રમઝટ મચાવવાનું નક્કી કર્યું છે. ક્લાસિસમાં ગરબા શીખતાં ખૈલેયાઓએ છેલ્લા ઘણા દિવસોથી પ્રેકટિસ કરી છે.
સ્કેટિંગ સાથે ગરબાનું કોન્બિનેશન જે તમે ક્યારેય નહીં જોયું હોય તેવા ગરબા સુરતના ખૈલેયાઓ આ વર્ષે રમવાના છે. ઘોડદોડ રોડ પર છેલ્લા 20 વર્ષથી આ ગરબા ક્લાસિસ ચાલે છે. જેમાં આ વર્ષે યંગસ્ટર્સ સ્કેટિંગના તાલે ગરબામાં ઝૂમશે. સ્કેટિંગની સાથે ખેલૈયાઓ અલગ અલગ સ્ટેપ્સમાં દાંડિયા પણ રમશે. સુરતવાસીઓમાં ગરબાનો ઉત્સાહ વધે તે માટે આ યંગસ્ટર્સે કંઈક હટકે કરવાનું નક્કી કર્યું છે.
સુરત શહેરના ઘોડદોડ રોડ વિસ્તાર ખાતે છેલ્લા ૨૦ વર્ષથી એક ગરબા કલાસ ચાલે છે. સુરતીઓને નવા નવા પ્રકારના ગરબા શીખવામાં ખુબજ રસ હોય છે. જેથી ઘોડદોડ રોડનો ગરબા ક્લાસ આ વર્ષે પણ કઈક હટકે સ્કેટિંગ ગરબા લાવ્યા છે. ગણેશોત્સવની ઉજવણી કર્યા બાદ સુરતીઓ નવરાત્રીની તૈયારીમાં લાગી ગયા. સુરતીઓ મોટી સંખ્યામાં સ્કેટિંગ ગરબા શીખી કંઈક અલગ જ આકર્ષણ ઉભું કરે છે.