OMG / ડ્રાઇવિંગ સીટ પર બેસાડીને અહીં શખ્સની કરાઇ દફન વિધી, ગાડીની કિંમતમાં તો 2 ફ્લેટ આવી જાય

• દક્ષિણ આફ્રિકામાં જોવા મળી અનોખી ઘટના
• 47 લાખની કારમાં પરિવારજનોએ મૃતકની કરી દફનવિધી

ઉલ્લેખનીય છે કે, આ મામલો દક્ષિણ આફ્રિકાના જોહાનિસબર્ગ ખાતેનો છે. જ્યાં રહેતા યુનાઇટેડ ડેમોક્રેટિક મૂવમેન્ટના નેતા શેકડે  પિત્સોનું મૃત્યુ થયું હતું. જો કે, ત્યારબાદ તેની અંતિમ ઇચ્છા અનુસાર તાબુતની જગ્યાએ તેની મનપસંદ કાર ઇ-500 મર્સીડીઝમાં તેમનો દફનાવવામાં આવ્યા હતા.

47 લાખ રૂપિયામાં ખરીદેલી કારમાં કરાઇ દફનવિધી 

દફનાવતી વખતે નેતા શેકડેને ડ્રાઇવિંગ સીટ પર બેસાડવામાં આવ્યા હતા. આ દરમિયાન તેના હાથ સ્ટિયરિંગ પર રાખવામાં આવ્યા હતા. આ મામલે મૃતક નેતાની દીકરીએ જણાવ્યું હતું કે પિતાજીની આ મનપસંદ કાર હતી. તેમને આ કાર ખૂબ જ પસંદ હતી. તેમણે આ કાર આશરે 47 લાખ રૂપિયામાં ખરીદી હતી.

એકસમયે મૃતક ખૂબ જ અમીર વ્યક્તિ હોવાની દીકરીએ કરી વાત 

દીકરીએ જણાવ્યું કે તેણીના પિતા અમીર વ્યવસાય હતા. એ સમયે તેમની પાસે ઘણી બધી મર્સિડીઝ કાર હતી.પરંતુ કેટલાક સમય બાદ વેપારમાં મોટું નુકસાન આવ્યું અને તમામ કાર વેચાઈ ગઈ.જેના બાદ તેમણે સેકન્ડહેન્ડ મર્સિડીઝ બેન્ઝ ખરીદી હતી.

દફનવિધીની તસવીરો સોશિયલ મીડિેયામાં વાયરલ 

આપને જણાવી દઇએ કે, દક્ષિણ આફ્રિકામાં હાલ લોકડાઉનનો માહોલ છે તેમછતાં મોટી સંખ્યામાં લોકો આ નેતાના અંતિમત સંસ્કાર જોવા માટે ભેગા થયાં હતા અને તેમના અંતિમ સંસ્કારની તસવીરો સોશિયલ મીડિયામાં વાયરલ થઇ રહી છે.