ભાવૂક / 'તેરા મુજસે હૈ પહેલા કા નાતા કોઇ...', અંતિમ શ્વાસ લેતી માતાને વીડિયો કૉલ પર દિકરાએ આપી અનોખી વિદાય

• કોરોનાના સમયમાં લોકો ગુમાવી રહ્યાં છે સ્વજન 
• દિકરાએ માતાને આપી અનોખી વિદાય 
• વીડિયો કોલ પર ગાયુ ગીત અને....

આ મુશ્કેલીના સમયમાં એક ટ્વિટ વાયરલ થઇ રહ્યુ છે જેમાં એક ડૉક્ટરે કહ્યું છે કે એક દર્દીએ પોતાની માતા માટે એક ગીત ગાયુ અને માતાને વિદાય આપી હતી. 

દીપશીખા ઘોષ નામની એક ડૉક્ટરે સોશ્યલ મિડીયા પર એક ટ્વિટ કરીને આ વાતની જાણકારી આપી હતી. તેણે કહ્યું કે, આજે મારી શિફ્ટ પતે તે પહેલા તે દર્દીઓના સંબંધીઓને ફોન પર વાત કરાવી દીધી જે કદાચ જ બચી શકે તેવા હોય. અમે પોતાની હોસ્પિટલમાં આ પ્રકારની વસ્તુ કરીએ છીએ જેથી છેલ્લી વાર તે પોતાના ઘરના લોકો સાથે વાત કરી શકે. કોવિડના પેશન્ટના દિકરાએ થોડો સમય માંગ્યો હતો અને પોતાની મરતી માતા માટે એક ગીત ગાયુ હતુ. 

Today, towards the end of my shift, I video called the relatives of a patient who is not going to make it. We usually do that in my hospital if it’s something they want. This patient’s son asked for a few minutes of my time. He then sang a song for his dying mother.

— Doctor (@DipshikhaGhosh) May 12, 2021

ડૉકટરે કહ્યું કે, તેણે તેરા મુજસે હે પહેલા કા નાતા કોઇ... ગીત ગાયુ અને હું ત્યાં જ ફોન પકડીને ઉભી હતી. તે પેશન્ટ અને તેના દીકરાને ગીત ગાતા સાંભળી રહી હતી. ગીત ગાતા ગાતા તે રડ્યો પણ ખરા પરંતુ તેણે ગીત પૂરુ કર્યુ અને તેની માતા વિશે  મારી પાસેથી જાણકારી લીધી અને થેન્ક્યુ કહીને કોલ કટ કરી દીધો હતો. 

દીપશીખાએ આગળ જણાવ્યું કે, હું અને નર્સ ત્યાં જ ઉભા રહ્યા અને અમે માથુ હલાવ્યું. અમારા બધાની આંખોમાં ઝળઝળીયા આવી ગયા હતા. આ ગીતે અમને બદલી દીધા છે અને આ ગીત હંમેશા તેમનુ જ રહેશે. 

તમને જણાવી દઇએ કે આ ઘટના ત્યારે બની જ્યારે આખી દુનિયા નર્સ દિવસની ઉજવણી કરી રહ્યો હતો. કોરોના સંકટમાં આ પ્રકરાની કહાણીઓ ભાવૂક કરી દેતી હોય છે. 

કોરોનાના આ કાળમાં કોરોના થાય ત્યારે આખુ ઘર ભાંગી પડતુ હોય છે અને ખાસ કરીને મોત થયા બાદ તો પરિવાર શોકમગ્ન થઇ જતો હોય છે. આવા સમયમાં આ પ્રકારની કહાણીઓ સામે આવતા બધા લોકો ભાવૂક થઇ જતા હોય છે.