તહેવાર / ઉત્તરાયણની ઉજવણીનો અનોખો અંદાજ,આર્મી ડેની થીમ પર ઝૂમી રહયા છે સુરતવાસીઓ

• આજે ઉજવાઇ રહ્યો છે ઉત્તરાયણનો પર્વ 
• 15 મી જાન્યુઆરીએ હોય છે આર્મી ડે 
• સુરતમાં અનોખી રીતે ઉજવાઇ રહ્યું છે ઉત્તરાયણ 

દિવાળી હોય, ઉત્તરાયણ હોય કે કે નવું વર્ષ હોય, ગુજરાતમાં દરેક તહેવારની ઉજવણીનો એકે ખાસ અંદાજ હોય એમાં પણ સુરતના લોકોનો એક આગવો અંદાજ દરેક વખતે ઉડીને આંખે વળગતો હોય છે. આ વખતે પણ કોરોના મહામારી છતાં સુરતના લોકોના મૂડમાં કોઈ જ ફેરફાર નથી અને આ વખતે પણ સુરત વાસીઓએ ઉત્તરાયણને ઉજવવા માટે એક ખાસ રીત અપનાવી છે, આ વખતે આર્મી ડેની થીમ પર ઉજવણી કરાઈ રહી છે.

લોકો મોટી સંખ્યામાં માણી રહ્યા છે તહેવારને 

લોકો મોટી સંખ્યામાં તેમના ધાબે પહોંચ્યા હતા, અને લોકોએ આર્મી ડેની થીમ પર વસ્ત્ર પરિધાન કર્યું હતું, આવતી કાલે આર્મી ડે હોવાથી આજના ઉત્તરાયણના પર્વને તેની સાથે સાંકળીને સુરતીવાસીઓ આર્મી ડેની થીમ પર ઉત્તરાયણને ઉજવી રહ્યા છે, આમ સુરતવાસીઓના મૂડમાં કોઈ જ બદલાવ આવ્યો નથી. 

મહત્વનું છે કે આજે દેશભરમાં ઉત્તરાયણનો તહેવાર ઉજવાઈ રહ્યો છે, જો કે કોરોનાના ભયને ધ્યાને રાખીને સરકારે ઉત્તરાયણની ઉજવણી માટે ગાઇડલાઇન જાહેર કરી હતી, આ વખતે અમુક નિયમોના પાલન સાથે ઉજવણી કરવામાં આવી રહી છે, તેમ છતાં આ સુરતવાસીઓના મૂડને જાણે કે તેની કોઈ અસર જ નથી તેમ મસ્તીપૂર્વક લોકો આ તહેવારને માણી રહયા છે.