કપરાડાના અનોખા લગ્ન, 12 વર્ષ લીવ ઈન રિલેશનશીપ રહેતો પરિણીત યુવક હવે પ્રભુતામાં પાડશે પગલા, એક પરિવારની જેમ રહે છે બે પત્ની
વલસાડમાં લગ્નનો અનોખો કિસ્સો
એક મંડપમાં બે પત્ની હશે હાજર
12 વર્ષથી લીવ ઈન રિલેશનશીપમાં રહેતી યુવતી સાથે કરશે લગ્ન
આજે વાત કરી રહ્યા છીએ વલસાડ જિલ્લાના એક એવા અનોખા લગ્નની જેને સમગ્ર ગુજરાતમાં ભારે ચર્ચા જગાવી છે.. વાત છે કપરાડા તાલુકાના નાનાપોંઢા ગામની. જ્યાં 12 વર્ષથી લીવ ઈન રિલેશનશીપમાં રહેતું એક કપલ હવે લગ્નગ્રંથીમાં જોડાવવા જઈ રહ્યું છે. ઘટના એમ છે કે સોશિયલ મીડિયામાં એક કંકોત્રી વાયરલ થઈ છે. જેમાં વરરાજાનું નામ પ્રકાશભાઈ છે. અને નવવધુમાં નયના અને કૅસુમ બે નામ છે. એક વરરાજા અને બે નવવધુના નામ હોવાથી આ લગ્ન ચર્ચાનો વિષય બન્યા છે.
એક વરરાજા, બે નવવધૂ
પ્રકાશ ગામીત પહેલાથી પરિણીત છે. પ્રકાશભાઈના કૅસુમ સાથે પહેલાથી જ લગ્ન થઈ ચૂક્યા છે. અને તે નયના સાથે છેલ્લા 15 વર્ષથી લીવ ઈન રિલેશનશીપમાં રહેતા હતા. અને હવે લગ્નગ્રંથીથી જોડાવવા જઈ રહ્યા છે.જોકે હવે આ લગ્ન રાજ્યભરમાં ચર્ચાનું કેદ્ર બન્યા છે.. રસપ્રદ કહાની તો એ છે કે પ્રકાશભાઈ બન્ને યુવતી સાથે એક જ ઘરમાં રહે છે. અને બન્ને પત્નીથી બે-બે સંતાન પણ છે. જોકે હવે પરિવારની સહમતિથી 9મી મેએ લગ્ન કરવા જઈ રહ્યા છે. જોકે પ્રથમ પત્નીને ખોટું ન લાગે તે માટે લગ્ન પત્રિકામાં બન્ને પત્નીના નામ લખવામાં આવ્યા છે.
એક પરિવારની જેમ રહે છે બે પત્ની
થયું એમ કે પ્રકાશ ગામીત બે યુવતીને પ્રેમ કરતો હતો અને બન્ને સાથે વર્ષોથી લીવ ઈન રિલેશનશીપમાં રહેતો હતો. જોકે કસુમ સાથે થોડા વર્ષો પહેલા લગ્ન કરી લીધા હતા. અને હવે નયના સાથે લગ્ન કરવા જઈ રહ્યો છે. ત્રણેય પતિ-પત્ની એક જ પરિવારની જેમ રહે છે. અને 9મેએ લગ્ન મંડપમાં બીજી પત્ની પણ હાજર રહેશે. સાથે જ બન્ને પત્નીના 4 બાળકો પણ માતા-પિતાના લગ્નમાં ડાન્સ પણ કરશે.
આદિવાસી વિસ્તારમાં દાયકાઓથી ચાલે છે લીવ ઈન રિલેશનશીપ
લગ્ન પ્રથા એટલે આપણા સમાજનું એક અભિન્ન અંગ છે. પણ હવે દેશમાં લીવ ઈન રિલેશનશીપનો ટ્રેન્ડ ચાલી રહ્યો છે.. આપણો સમાજ આ ટ્રેન્ડને પશ્ચિમી સંસ્કૃતિ ગણે છે. પણ આદિવાસી વિસ્તારોમાં અનેક કપલ વર્ષોથી લીવ ઈન રિલેશનશીપમાં રહે છે. આદિવાસી સમાજમાં લગ્ન કર્યા વિનાજ યુવક-યુવતી એક સાથે રહે છે. અને બાળકોને જન્મ પણ આપે છે.. વર્ષો સુધી સાથે રહ્યા બાદ એક બીજા સાથે લગ્ન ગ્રંથીમાં પણ જોડાય છે. એવી પણ માન્યતા છે કે રૂપિયાની સુવિધા ન હોય તો શરૂઆતમાં લીવ ઈન રિલેશનશીપમાં રહે અને જ્યારે રૂપિયાની સુવિધા થાય ત્યારે સમાજના રીતરિવાજ પ્રમાણે લગ્ન કરે છે. બે વર્ષ પહેલા વાપીની એક કંપનીમાં કામ કરતા યુવકે દહાણુ અને બોરડીમાં એક જ લગ્ન મંડપમાં બે કન્યા સાથે લગ્ન કર્યા હતા.