જો તમને કોઈ કહે કે બે દેશોની સરહદો તેના ઘરની વચ્ચેથી પસાર થાય છે, તો કદાચ તમને વિશ્વાસ નહીં થાય. પરંતુ આ હકીકત છે યુરોપનું બાર્લે શહેર એક એવી અનોખી જગ્યા છે. જ્યાં તમે એક દેશમાં નાસ્તો બનાવી શકો છો અને બીજા દેશમાં જઇને ખાઈ શકો છો. એટલું જ નહીં, તમે એક પગલુ ભરીને બીજા દેશમાં જઇ શકો છો. આવો જાણીએ રસપ્રદ કિસ્સો.
યુરોપનું બાર્લે શહેર બે દેશો વચ્ચે આવેલુ છે
અહીંના રહેવાસી એક પળમાં એક દેશમાંથી બીજા દેશમાં પહોંચે છે
રેસ્ટોરન્ટનો અડધો ભાગ નેધરલેન્ડમાં તો અડધો બેલ્જિયમમાં
બાર્લે શહેર બે દેશોની સરહદો વચ્ચે આવેલુ છે
ખરેખર, બાર્લે શહેર બે દેશો નેધરલેન્ડ અને બેલ્જિયમની સરહદો વચ્ચે આવેલુ છે. આ બંને દેશોની સરહદો બાર્લે શહેરમાં સ્થિત ઘણા ઘર વચ્ચેથી પસાર થાય છે. જેને પગલે અહીંના લોકોનું એક પગલું નેધરલેન્ડમાં હોઇ શકે છે અને બીજુ પગલું બેલ્જિયમમાં. કુલ મળીને બાર્લે રહેવાસી એક પળમાં એક દેશમાંથી બીજા દેશ પહોંચી શકે છે. કારણકે બે દેશોની સરહદો તો તેમના ઘરની વચ્ચે નિકળે છે. અહીં ઘણા બધા સામુદાયિક ભવન, રેસ્ટોરન્ટ, કૈફે હાઉસ વગેરેનો અડધો ભાગ નેધરલેન્ડમાં છે તો અડધો બેલ્જિયમમાં.
સરહદની રેખાને એક સફેદ ક્રોસ બનાવીને પસંદ કરવામાં આવ્યો
બાર્લે શહેરનો થોડો ભાગ નેધરલેન્ડની પાસે અને થોડો ભાગ બેલ્જિયમની પાસે છે. નેધરલેન્ડની બાજુવાળા ભાગને Baarle-Nassau ના નામથી ઓળખવામાં આવે છે, જ્યારે બેલ્જિયમના બાજુવાળા ભાગને Baarle-Hertog કહેવામાં આવે છે. સરહદની રેખાને એક સફેદ ક્રોસ બનાવીને પસંદ કરવામાં આવ્યો છે. ઘણા ઘર, દુકાનો અને રેસ્ટોરન્ટમાં પણ સફેદ ક્રોસ લગાવેલુ છે. ઘણા ઘરમાં બેડ સફેદ ક્રોસની ઉપર છે એટલેકે પડખુ ફરતા Baarle રહેવાસી બીજા દેશ પહોંચી શકે છે.