VIDEO / એવી કાર લઈને સંસદ પહોંચ્યા ગડકરી કે બધા જોતાં રહી ગયા, કહ્યું હવે દેશમાં આવી જ કાર બનશે

• કેન્દ્રીય મંત્રી નીતિન ગડકરી હાઈડ્રોન કાર લઈને પહોંચ્યા
• આગામી સમયમાં દેશમાં આવી ગાડીઓ આવશે
• પેટ્રોલ અને ડીઝલની નહીં પડે જરૂર

કેન્દ્રીય સડક પરિવહન અને રાજમાર્ગ મંત્રી નીતિન ગડકરી આજે ગ્રીન હાઈડ્રોજનથી ચાલતી કારથી સંસદ પહોંચ્યા હતા. આ કારનું નામ મિરાઈ છે. એટલે કે, ભવિષ્ય. કેન્દ્રીય મંત્રીનું કહેવુ છે કે, પેટ્રોલ અને ડીઝલ તથા ગેસની કિંમતોમાં સતત વધારો થઈ રહ્યો છે. ભારત પેટ્રોલ અને ડીઝલની આયાત કરે છે અને પેટ્રોલ તથા ડીઝલથી પ્રદૂષણ પણ ઘણું થાય છે. 

નીતિન ગડકરીએ કહ્યું કે, પ્રધાનમંત્રી આત્મનિર્ભર ભારતના સપનાને પુરુ કરવા માટે આપણે તેલમાં પણ આત્મનિર્ભર થવું પડશે. આ ગાડી ટૂંક સમયમાં જ ભારતમાં આવશે. દેશમાં એક મોટી ક્રાંતિ થશે. આયાત ઓછી થશે અને આપણા આત્મનિર્ભર ભારતનું સપનું નિશ્ચિત પણે સાકાર થશે. આત્મનિર્ભર બનવા માટે આપણે ગ્રીન હાઈડ્રોજનને રજૂ કરીએ છીએ, જે પાણીથી ઉત્પન્ન થાય છે. આ કાર પાયલટ પ્રોજેક્ટ છે. હવે દેશમાં ગ્રીન હાઈડ્રોજનનું નિર્માણ શરૂ થશે. આયાત પર અંકુશ લાગશે અને રોજગારીના નવા અવસરો પેદા થશે.

#WATCH दिल्ली: केंद्रीय ​मंत्री नितिन गडकरी ग्रीन हाइड्रोजन से चलने वाली कार से संसद के लिए रवाना हुए। pic.twitter.com/QC0vLvMVnZ

— ANI_HindiNews (@AHindinews) March 30, 2022

ગડકરીએ આગળ કહ્યું કે, ભારત સરકારે 3000 કરોડ રૂપિયાનું મિશન શરૂ કર્યું છે અને આપણે હાઈડ્રોજનની નિકાસ કરનારો દેશ બની જઈશું. જ્યાં પણ કોલસાનો ઉપયોગ થાય છે, ત્યાં ગ્રીન હાઈડ્રોજનનો ઉપયોગ થશે.

2047 સુધીમાં ભારતને ઉર્જા આત્મનિર્ભર બનાવવાનો ટાર્ગેટ

કેન્દ્રીય મંત્રી ગડકરીએ 166 માર્ચે નવી દિલ્હીમાં દુનિયાની સૌથી ઉન્નત ટેકનિક વિકસિત ગ્રીન હાઈડ્રોજન ફ્યૂલ સેલ ઈલેક્ટ્રિક વાહન ટોયોટા મિરાઈનું શુભારંભ કર્યો હતો. આ અવસર પર કેન્દ્રીય મંત્રી હરદીપ સિંહ પુરી, આરકે સિંહ, મહેન્દ્રનાથા પાંડે, ટોયોટા કિર્લોસ્કર મોટર લિમિટેડના એમડી મસાકાજૂ યોશિમુરા, ટીકેએમ લિમિટેડના વીસી વિક્રમ કિર્લોસ્કર અને અધિકારી પણ હાજર રહ્યા હતા. કેન્દ્રીય મંત્રી નીતિન ગડકરીના જણાવ્યા અનુસાર આ એક મહત્વનો ભાગ છે, જે જીવાશ્મ ઈંધણ પર નિર્ભરતાને ઓછી કરીને સ્વચ્છ ઉર્જા અને પર્યાવરણ સંરક્ષણને પ્રોત્સાહન આપશે તથા આવી રીતે 2047 સુધી ભારતને ઉર્જા આત્મનિર્ભર બનાવશે.