નિવેદન / ઓવૈસીએ ભારતની તુલના અફઘાનિસ્તાન સાથે કરતાં કેન્દ્રીય મંત્રી ભડક્યા, કહ્યું અફઘાનિસ્તાનમાં મોકલો

• અફઘાનિસ્તાનમાં તાલિબાન રાજ 
• ભારતમાં તેજ થયું રાજકારણ 
• કેન્દ્રીય મંત્રીએ કહ્યું ઓવૈસીને મોકલો અફઘાનિસ્તાન 

ભારતમાં ભડક્યો વિવાદ 
અફઘાનિસ્તાનમાં તાલિબાનનાં શાસનને લઈને ભારતમાં રાજકારણ શરૂ થઈ ગયું છે. ભારત અને અફઘાનિસ્તાનની તુલના કરવા પર કેન્દ્રીય મંત્રી શોભા કરંદલાજેએ AIMIMના પ્રમખ ઓવૈસીને દેશ છોડી દેવાની સલાહ આપી છે. તેમણે કહ્યું કે ઓવૈસીને અફઘાનિસ્તાન મોકલી દેવા જોઈએ. 

ઓવૈસીને મોકલો કાબુલ 
નોંધનીય છે કે ઓવૈસીએ ભારતની તુલના અફઘાનિસ્તાન સાથે કરતાં સમગ્ર વિવાદ સામે આવ્યો છે. ઓવૈસીએ કહ્યું હતું કે ભારતમાં મહિલાઓ પર અત્યાચાર થઈ રહ્યા છે. અને કેન્દ્ર સરકાર અફઘાનિસ્તાનની ચિંતા કરી રહી છે. 

પત્રકારો સાથે વાતચીતમાં કેન્દ્રીય મંત્રી શોભા કરંદલાજેએ કહ્યું કે ઓવૈસીને તેમની મહિલાઓ અને સમુદાયની રક્ષા કરવા માટે અફઘાનિસ્તાન મોકલી દેવા યોગ્ય રહેશે. 

શું કહ્યું હતું ઓવૈસીએ? 
નોંધનીય છે કે ઓવૈસીએ કહ્યું હતું કે ભારતમાં નવમાંથી એક બાળકી પાંચ વર્ષ પહેલા જ મરી જાય છે પરંતુ કેન્દ્ર સરકારને અફઘાનિસ્તાનમાં મહિલાઓ સાથે થઈ રહ્યું છે તેની ચિંતા છે. 

અફઘાનિસ્તાન બન્યું 'આતંકીસ્તાન' 
અફઘાનિસ્તાન હવે આતંકવાદનાં ઓછાયા હેઠળ છે, ખૂંખાર તાલિબાનીઓ માનવતાના સૌથી મોટા દુશ્મન છે તે હવે દેશ પર રાજ કરવા જઈ રહ્યા છે. આખા અફઘાનિસ્તાનમાં તબાહીનાં દ્રશ્યો જોવા મળી રહ્યા છે. લોકો પોતાના જીવ બચાવવા માટે પ્લેનનાં પૈડાંમાં લટકી જવા મજબૂર છે ત્યારે તાલિબાનીઓ હવે ભારતના દૂતાવાસને પણ છોડી નથી રહ્યા. 

તાલિબાનીઓના હાથ લાગ્યા અમેરિકાના ખતરનાક હથિયાર
અફઘાનિસ્તાનમાં તાલિબાઓની શક્તિ અનેકગણી વધી ગઈ છે. અફઘાન સેનાએ સરેન્ડર કરી દેતા તાલિબાને સમગ્ર દેશ પર કબજો જમાવી લીધો છે અને હવે તાલિબાનીઓએ અફઘાનિસ્તાનમાં અમેરિકાના હથિયારો પણ જપ્ત કરી લીધા છે. આ હથિયારોમાં UH-60 બ્લેક હોક હેલિકોપ્ટર પણ સામેલ છે. આ ખુલાસો થયો છે અમેરિકન રિપબ્લિકન પાર્ટીના એક પત્રમાં.  રિપબ્લિકન પાર્ટીના સેનેટ સભ્યોએ બાઈડેન તંત્રને એક પત્ર લખ્યો છે અને તાલિબાનના હાથમાં લાગેલા અમેરિકી હથિયારો અંગે જવાબદારી નક્કી કરવાની માગ કરી છે. પત્રમા કહેવાયું કે હાઈટેક મિલિટ્રી હથિયાર જેને અમેરિકી નાગરિકોના પૈસાથી ખરીદવામાં આવ્યા છે જે આજે તાલિબાન અને આતંકી સંગઠનના હાથ લાગ્યા છે. આ હથિયારોને સુરક્ષિત રાખવા સરકારની જવાબદારી હોવી જોઈએ. જવાનોને પરત બોલાવતા પહેલા હથિયારોને પોતાની પાસે રાખવા જરૂરી હતા.

આતંકીઓની પડખે આતંકી દેશ
જેની નસે નસમાં આતંકવાદ છે તે પાકિસ્તાન ફરી આતંકીઓની ભક્તિ શરૂ કરી દીધી છે. જો કે આતંકન આ દેશ પાસેથી અન્ય કોઈ આશા રાખી શકાય તેમ નથી. સમગ્ર વિશ્વ આજે અફઘાનિસ્તાના તાલિબાનોને લઈ ચિંતામાં છે અને ચારેબાજુથી તાલિબાનો સામે વિરોધનો વંટોળ ઉઠ્યો છે ત્યારે પાકિસ્તાને તાલિબાનના પેટ ભરીને વખાણ કર્યા છે. પાકિસ્તાનના વિદેશ મંત્રી શાહ મહેમુદ કુરૈશીએ કહ્યું કે તાલિબાનોએ માફી અને યુવતીઓને સ્કૂલ જવાની મંજૂરી આપીને મોટું કામ કર્યું છે અને અશરફ ગની સરકારને ખોટી સાબિત કરી છે.m કુરૈશીએ કહ્યું કે એવો ડર હતો કે તાલિબાનો યુવતીઓના શિક્ષણ પર પ્રતિબંધ લગાવી દેશે પરંતુ એવું ન થયું. તાલિબાનોએ બદલો નહીં લેવાની પણ વાત કરી છે આ નિર્ણયનું સ્વાગત છે.