VIDEO / ઈલેક્ટ્રિક બસ અને ટિકિટ નહીં કપાય...: STને પ્રોફિટમાં લાવવા માટે નીતિન ગડકરીએ આપ્યો પ્લાન

• કેન્દ્રીય મંત્રી નીતિન ગડકરીએ ઈન્દોરમાં રૂ. 2300 કરોડના પાંચ રોડ પ્રોજેક્ટનું કર્યુ લોકાર્પણ 
• લોકાર્પણ બાદ દેશમાં સાર્વજનિક પરિવહનમાં ડીઝલનો ઉપયોગ ઘટાડવાનો કર્યો અનુરોધ
• ડીઝલ થી ચાલનારી બસો કરતાં  ઈલેટ્રીક બસોની ટિકીટ  30 ટકા સુધી સસ્તી થઈ શકે છે 

પ્રદુષણથી મુક્ત થવા ઈંધણને બદલે ઈથેનોલ અને બિનપરંપરાગત વસ્તુઓનો ઉપયોગ કરવો જોઈએ

કેન્દ્રીય રોડ ટ્રાન્સપોર્ટ મંત્રી નીતિન ગડકરીએ આજે મધ્યપ્રદેશના ઈન્દોર પહોંચીને રૂ. 2300 કરોડના પાંચ રોડ પ્રોજેક્ટનું લોકાર્પણ કર્યું. આ દરમિયાન તેમણે કહ્યું કે આપણે પર્યાવરણ સુધારણા તરફ વિશેષ ધ્યાન આપવાની જરૂર છે. જેમાં પ્રદુષણથી છુટકારો મેળવવા માટે વાહનોમાં ઈંધણને બદલે ઈથેનોલ અને બિનપરંપરાગત વસ્તુઓનો ઉપયોગ કરવો જોઈએ.

નીતિન ગડકરીએ ST ચલાવવા માટે આપ્યો પ્લાન

તેમણે વધુમાં ઉમેર્યુ કે, દેશના તમામ રાજ્યોના માર્ગ અને પરિવહન વિભાગ ક્યારે ફાયદામાં ના આવી શકે કારણ કે, તેમની બસોમાં મોંઘા ડીઝલથી ચાલતી છે. તેમણે જણાવ્યું કે, હું પુરી જવાદારી સાથે બોલી રહ્યો છું. વીજળીથી ચાલતી AC બસોમાં મુસાફરોની ટિકીટ ડીઝલ થી ચાલનારી બસની સરખામણીમાં 30 ટકા સુધી સરળતાથી સસ્તી થઈ શકે છે. 

નીતિન ગડકરીએ કહ્યું કે, હું ડીઝલ-પેટ્રોલની ગાડીમાં બેસતો જ નથી

ગડકરીએ વધુમાં કહ્યું કે, હું ડીઝલ-પેટ્રોલની ગાડીમાં બેસતો જ નથી.હું ઈલેક્ટ્રિક ગાડી ચલાવું છું.દિલ્હીમાં તો હાઈડ્રોજન કાર ચલાવું છું.જે મર્સીડીઝથી પણ સારી છે.તેમણે ઉમેર્યું કે, કેન્દ્ર સરકાર 50 હજાર ઈલેકટ્રિક બસો લાવી રહી છે.કારણ કે ડીઝલથી ચાલતી બસોને ચલાવવામાં 115 રૂપિયા પ્રતિ કિલોમીટર ખર્ચ આવે છે.જ્યારે બીજી તરફ ઈલેકટ્રિક લક્ઝરી AC બસ ચલાવવા પાછળ 41 રૂપિયા પ્રતિ લીટર ખર્ચ આવે છે. અને નોન એસી ઈલેક્ટ્રિક બસમાં 38 રૂપિયા પર કિમીનો ખર્ચ આવે છે. 

હવે બાયોઇથેનોલ પર ચાલતા વાહનોને પ્રોત્સાહન આપવું જોઈએ.- ગડકરી 

ગડકરીએ વધુમાં કહ્યું કે હવે આપણે  બાયોઇથેનોલ પર ચાલતા વાહનોને પ્રોત્સાહન આપવું જોઈએ. બીજી તરફ આ મામલે તેઓએ ઈન્દોરની પ્રશંસા કરી હતી.તેમણે કહ્યું કે ઈન્દોરમાં એશિયાનો સૌથી મોટો CNG પ્લાન્ટ છે અને અહીંની બસો આ જ ગેસથી ચલાવવામાં આવી રહી છે. જેના કારણે માત્ર ડીઝલ-પેટ્રોલ જ નહીં પરંતુ પર્યાવરણને પણ નુકસાન થતું બચી રહ્યું છે.