ઇલેક્શન-2022 / 'ગુજરાતમાં યુપી કરતા પણ વધુ સારા પરિણામ મળશે' ગુજરાત પ્રવાસે આવેલા કેન્દ્રીય મંત્રીનું નિવેદન

• કેન્દ્રીય મંત્રી અનુરાગ ઠાકુર ગુજરાતની મુલાકાતે
• ગાંધીનગરમાં આયોજિત વૈશ્વિક આયુષ સમિટમાં ભાગ લેવા પહોંચ્યા
• ગુજરાત ભાજપનો ગઢ છે: અનુરાગ ઠાકુર

ગુજરાત વિધાનસભાની ચૂંટણીએ તો જાણે કે રાજ્યના દિગ્ગજોને ગુજરાતની ધરતી પર આવવાનો મોકો આપી દીધો. એક બાદ એક કેન્દ્રીય કક્ષાના મંત્રીઓ ગુજરાતના પ્રવાસે આવી રહ્યા છે. 3 દિવસ પીએમ મોદી ગુજરાતના પ્રવાસે હતા. આ દિવસોમાં અનેક વિકાસના કાર્યોનું લોકાર્પણ કરવામાં આવ્યું. આ કાર્યક્રમોમાં મોરેશિયસ તથા whoના મહાનિર્દેશક સહિત અન્ય રાજકીય દિગ્ગજો પણ ખાસ હાજર રહ્યા હતા.   બ્રિટનના પીએમ પણ અમદાવાદની મુલાકાત લઇ ગયા ત્યારે હવે ભારતીય જનતા પાર્ટીના યુવા મોરચાના રાષ્ટ્રીય અધ્યક્ષ રહી ચૂકેલા કેન્દ્રીય મંત્રી અનુરાગ ઠાકુર ગુજરાતની મુલાકાતે આવ્યા છે.

યુપી કરતા પણ સારા પરિણામ મળશે- અનુરાગ ઠાકુર

કેન્દ્રીય મંત્રી અનુરાગ ઠાકુર ગુજરાતની મુલાકાતે છે. તેઓ  ગાંધીનગરમાં આયોજિત વૈશ્વિક આયુષ સમિટમાં ભાગ લેવા પહોંચ્યા હતા. આ પ્રસંગે તેઓએ પત્રકારો સાથે વાત કરતા ગુજરાત વિધાનસભાની ચૂંટણીને લઇને મહત્વનું નિવેદન આપ્યું. તેઓએ દાવો કર્યો કે ગુજરાતમાં યુપી કરતા પણ વધારે સારા પરિણામ મળશે. ગુજરાત એ ભાજપનો ગઢ છે. તો આવનારી ચૂંટણીની તૈયારીઓ અંગે જણાવ્યુ કે  સંગઠનના હોદ્દેદારો સાથે ચૂંટણીલક્ષી ચર્ચા કરીશું.

PM મોદીના હસ્તે આયુષ સમિટનો પ્રારંભ

20 એપ્રિલના રોજ PM નરેન્દ્ર મોદી દ્વારા ગાંધીનગર મહાત્મા મંદિર ખાતે વૈશ્વિક આયુષ રોકાણ અને નવીનતા સમિટ 2022નું ઉદ્ઘાટન કરવામાં આવ્યું હતું.  આ પ્રસંગે મોરેશિયસના PM પ્રવિંદ જુગનાથ તથા  WHOના મહાનિર્દેશક ખાસ ઉપસ્થિત રહ્યા હતા. ગ્લોબલ આયુષ ઇન્વેસ્ટમેન્ટ એન્ડ ઇનોવેશન સમિટનો આજે ત્રીજો અને અંતિમ દિવસ છે.  જેમાં 100 જેટલા વિવિધ સ્ટોલ તૈયાર કરાયા છે. દેશ અને વિદેશના મેડિસિન રિસર્ચ કંપનીઓ લઈ ભાગ લઇ રહી છે. સમિટના ઉદ્ઘાટન વખતે પીએમ મોદીએ  આયુષ ક્ષેત્રમાં પણ વધારેમાં વધારે પ્રમાણમાં ઇન્વેસ્ટમેન્ટ કરવા પર ભાર મૂક્યો હતો.  તેમજલ   વિદેશી નાગરિકો ભારત આવીને આયુષ ઉપચારનો લાભ લઇ શકે તે માટે વિશેષ આયુષ વિઝા શ્રેણી દાખલ કરવાની પણ જાહેરાત કરી હતી.