નવી દિલ્હી / NPR ને લઇને ગૃહ મંત્રાલયની મહત્વપૂર્ણ બેઠક, એક રાજ્યનો સામેલ થવા પર ઇન્કાર

• મુખ્ય સચિવો અને જનગણના નિદેશકોને બોલાવામાં આવ્યાં
• મમતાનું એલાન- બંગાળ તરફથી કોઇ નહીં આવે

ગૃહ મંત્રાલયના જણાવ્યા અનુસાર આ બેઠકમાં જનગણનાના પ્રથમ તબક્કામાં મકાનોની ગણના અને તેની સાથે-સાથે NPR માટે આંકડા એકઠ્ઠા કરવા માટેના કામકાજને લઇને ચર્ચા કરવામાં આવશે. પશ્ચિમ બંગાળને છોડીને અન્ય બધા રાજ્યોએ જણાવ્યું છે કે તેઓના અધિકારીઓ બેઠકમાં હાજર રહેશે. 

પશ્ચિમ બંગાળના મુખ્યમંત્રી મમતા બેનરજીએ એક રેલીના સંબોધનમાં કહ્યું હતું કે, કેન્દ્ર સરકારે NPR ને લઇ બેઠક બોલાવી છે. આ બેઠકમાં હું નહી જાઉ તેમજ ન મારી સરકારના કોઇ પ્રતિનિધિ સામેલ થાય.

જો હું સામેલ નહી થાવ તો કોલકાતામાં એક વ્યક્તિ (રાજ્યપાલ) જે કેન્દ્ર સરકારના પ્રતિનિધિ છે, તેઓ કહી શકે છે કે તેઓ મારી સરકારને ભંગ કરી શકે છે. તેઓ આમ કરી શકે છે, પરંતુ મને તેની પરવાહ નથી, પરંતુ હું CAA-NPR-NCRને મંજૂરી આપીશ નહીં. 

NPR બેઠકના સંબંધમાં અધિકારીઓને જણાવ્યું છેકે તેના દ્વારા દેશના નાગરિકોનો એક વિસ્તૃત ડેટા તૈયાર કરવામાં આવશે. જેમાં જન સાંખ્યિક અને બાયોમેટ્રિક બંને રીતના આંકડાઓ ભેગા કરવામાં આવશે. ઘણા ખરા રાજ્યોએ NPR ની જોગવાઇને લઇને નોટિફિકેશન જારી કર્યું છે.