રાજકારણ / ગૃહ મંત્રી અમિત શાહ કોરોનાની વચ્ચે પશ્ચિમ બંગાળમાં આજે 6 જગ્યાએ કરશે આ કામ

• પશ્ચિમ બંગાળમાં આજે અમિત શાહનો રોડ શો
• અમિત શાહ 6 જગ્યાએ રોડ શો અને બેઠક યોજશે
• બંગાળમાં આઠમાંથી ચાર તબક્કાનું મતદાન પૂર્ણ 

કેન્દ્રીય ગૃહ મંત્રી અમિત શાહે  આજે એટલે કે રવિવારે ચૂંટણી રાજ્ય પશ્ચમ બંગાળમાં 6 સાર્વજનિક કાર્યક્રમોને સંબોધિત કરશે. આ છ સાર્વજનિક કાર્યક્રમોમાંથી તે રાજ્યોમાં 3 રોડ શો સંબોધિત કરશે. સૌથી પહેલા શાહ બપોરે 12.30 વાગે શાંતિપુરમાં રોડ શો કરશે. આ કાર્યક્રમના સમાપન બાદ તે 1.30 વાગે રાણાઘાટ દક્ષિણમાં એક રોડ શો કરશે. એ બાદ 3.40માં બશીરહાટ દક્ષિણમાં એક જનસભાને સંબોધિત કરશે. ચૌથુ આયોજન સાંજે 4.25 વાગે પનિહારીમાં એક રોડ શો થશે.  કેન્દ્રીય ગૃહ મંત્રીના અંતિમ 2 સાર્વજનિક કાર્યક્રમ ટાઉન હોલમાં બેઠકના રુપમાં રહેશે. તે સાંજે 5.30 વાગે કમારટીમાં ટાઉન હોલ બેઠક કરશે. આ બાદ સાંજે 7 વાગે તે રાજારહાટ ગોપાલપુરમાં વધુ એક ટાઉન હોલમાં બેઠક કરશે.

17 એપ્રિલે થશે 5માં ચરણનું મતદાન

પશ્ચિમ બંગાળમાં વિધાનસભા ચૂંટણીને ધ્યાનમાં રાખી 4 ચરણમાં મતદાન થઈ ચૂક્યુ છે  અને હવે 17 એપ્રિલે 5માં ચરણમાં 6 જિલ્લાની 45 સીટો પર વોટ પડવાના છે. આ ફેઝમાં ઉત્તરી 224 પરગનાની 16 સીટ, દાર્જિલિંગની તમામ સીટો પર, નાદિયાની 8 સીટો પર, પૂર્વ વર્ધમાનની 8 સીટો પર , જલપાઈગુડીની તમામ 7 સીટો અને કેલિમપોંગની 1 સીટ પર વોટિંગ થશે.

છઠ્ઠા ચરણના મતદાનની વિગતો

ત્યારે છઠ્ઠા ચરણની વાત કરીએ તો બંગાળના ચાર જિલ્લાની 43 વિધાનસભા સીટો પર 22 એપ્રિલે મતદાન થવાનું છે. જેમાં નોર્થ 24 પરગનાની 17 સીટો, પૂર્વ વર્ધમાનની 8 સીટો પર, નાદિયાની 9 સીટો અને ઉત્તર દિનાજપુરની તમામ 9 સીટો પર ચૂંટણી થવાની છે.

7માં ચરણમાં 5 જિલ્લાઓની 36વિધાનસભાની સીટો પર  મતદાન

7માં ચરણમાં 5 જિલ્લાઓની 36વિધાનસભાની સીટો પર 26 એપ્રિલે વોટ પડશે. આ ફેઝમાં માલદાની 6 સીટો પર, મુર્શિદાબાદની 11 સીટો પર, પશ્ચિમ વર્ધમાનની તમામ 9 સીટો પર, દક્ષિણ દિનાજપુરની તમામ 6 સીટો પર અને કોલકત્તા સાઉથની તમામ 4 સીટો પર મતદાન થશે.

2 મેના રોજ ચૂંટણીના પરિણામ જાહેર થશે

ત્યારે આઠમાં એટલે કે છેલ્લા ચરણમાં 4 જિલ્લાની 35 સીટો પર 29 એપ્રિલે મતદાન થશે. આમાં માલદાની 6 સીટો પર, બીમભૂમની તમામ 11 સીટો પર, મર્શિદાબાદની 11 સીટો પર અને કોલકત્તા નોર્થની તમામ 7 સીટો પર વોટિંગ થશે. આ બાદ ભારતના ચૂંટણી પંચ દ્વારા 2 મેના રોજ ચૂંટણી પરિણામ જાહેર કરાશે.