રાજકારણ / કેન્દ્રીય ગૃહમંત્રી અમિત શાહ ગુજરાતના પ્રવાસે, CM રૂપાણી સાથે ગાંધીનગરમાં કરશે મોટી બેઠક

• ગૃહમંત્રી અમિત શાહ ગુજરાતના પ્રવાસે
• 21 અને 22 જૂનના વિવિધ કાર્યક્રમો 
• રસીકરણ કેન્દ્રોની લેશે મુલાકાત

કેન્દ્રીય ગૃહમંત્રી અમિત શાહ ગુજરાતના પ્રવાસે છે. 20 જૂનની રાત્રે 9 કલાક આસપાસ કેન્દ્રીય ગૃહમંત્રી અમિત શાહ અમદાવાદ એરપોર્ટ પર પહોંચ્યા હતા. જ્યાં અમિત શાહની આ મુલાકાતને લઈ ખુબ ચર્ચા છે. એક તરફ ગુજરાતમાં જ્ઞાતિ આધારે મુખ્યમંત્રીઓની માગણી થઈ રહી છે. અને 2022ની ચૂંટણીને લઈ ભાજપની તૈયારીઓ વચ્ચે અમિત શાહની ગુજરાત મુલાકાત મહત્વની ગણવામાં આવે છે. આમ તો અમિત શાહના તમામ કાર્યક્રમો નક્કી છે. આ તમામ સામાજીક કાર્યક્રમની સાથે રાજકીય બેઠક પણ ચોક્કસ યોજાવવાની છે. 

CM વિજય રૂપાણીની સાથે ગાંધીનગરમાં અમિત શાહની બેઠક

21 જૂન વિશ્વ યોગ દિવસે અમિત શાહ CM રૂપાણી સાથે બેઠક યોજશે. બેઠકમાં ગાંધીનગર કલેક્ટર પણ હાજર રહેશે. ગાંધીનગર વહીવટી વિભાગના અધિકારીની પણ હાજરી હશે. ગાંધીનગર સર્કિટ હાઉસ ખાતે બપોરે 2 વાગ્યે બેઠક થશે.

ગુજરાતમાં અમિત શાહના તમામ કાર્યક્રમોની યાદી

• 21 જૂનના વિવિધ કાર્યક્રમોમાં અમિત શાહ રહેશે હાજર
• 21 જૂનના સવારે 9.15 કલાકે રસીકરણ કેન્દ્રની લેશે મુલાકાત
• અમિત શાહ બોડકદેવમાં રસીકરણ કેન્દ્રની લેશે મુલાકાત
• અમિત શાહ વૈષ્ણોદેવી ફ્લાયઓવર બ્રીજનું કરશે લોકાર્પણ
• 9.55 કલાકે ખોડીયાર કન્ટેનર ડેપો ફ્લાયઓવરનું લોકાર્પણ
• સવારે 10.30 વાગ્યે નવનિર્મિત રેલવે ઓવરબ્રીજનું લોકાર્પણ
• પાનસર-છત્રાલ રેલવે ઓવરબ્રીજનું કરશે લોકાર્પણ
• સવારે 10.45 કલાકે કલોલ APMC ખાતે નવા મકાનનું લોકાર્પણ
• બપોરે 12.30 કલાકે કોલવડા ખાતે રસીકરણ કેન્દ્રની મુલાકાત
• બપોરે 12.45 કલાકે રૂપાલ ખાતે રસીકરણ કેન્દ્રની મુલાકાત
• 22 જૂનના વૃક્ષારોપણ કાર્યક્રમમાં હાજરી આપશે અમિત શાહ
• સવારે 9.30 કલાકે સિંઘુભવન રોડ વૃક્ષારોપણનો કાર્યક્રમ