કેન્દ્રીય ગૃહમંત્રી અમિત શાહ બે દિવસ ગુજરાત પ્રવાસે છે ત્યારે ગાંધીનગરમાં અમિત શાહને આવકારવા માટે તડામાર તૈયારીઓ કરવામાં આવી છે
કેન્દ્રીય ગૃહમંત્રી અમિત શાહ ગુજરાતના પ્રવાસે
ગાંધીનગરમાં અમિત શાહને આવકારવા તૈયારીઓ
GMCમાં જીત બાદ પ્રથમ વખત આવ્યા ગુજરાત
કેન્દ્રીય ગૃહમંત્રી અમિત શાહ બે દિવસ ગુજરાત પ્રવાસે છે ત્યારે ગાંધીનગરમાં તેમને આવકારવા માટે તડામાર તૈયારીઓ કરવામાં આવી રહી છે. ઉલ્લેખનિય છે કે ગાંધીનગર મનપામાં ભાજપની મોટા ભાગની પેનલનો ભવ્ય વિજય થયા બાદ કેન્દ્રીય ગૃહમંત્રી અમિત શાહની આ પ્રથમ ગુજરાત મુલાકાતે છે. ત્યારે તેમના સ્વાગત માટે ભવ્ય તૈયારીઓ કરવામાં આવી છે.
ગાંધીનગરમાં અમિત શાહને આવકારવા તૈયારીઓ
આજે અમિત શાહ ગાંધીનગર રેલ્વે સ્ટેશને મહિલા સ્વસહાય જૂથ સંચાલિત ટી સ્ટોલનું ઉદ્ઘાટન કરશે, ગરીબ પરિવારોની મહિલાઓને રોજગારી અને આર્થિક ટેકો મળી રહે તે હેતુથી આ ટી સ્ટોલ શરૂ કરાઇ રહી છે. આ સાથે તેઓ પાનસર ગામના પ્રાથમિક આરોગ્ય કેન્દ્રનું ઉદઘાટન પણ કરવાના છે. ઉલ્લેખનિય છે કે નવરાત્રિ સમયે દર વર્ષે બીજે નોરતી અમિત શાહ માણસાની મુલાકાત લેતા હોય છે ત્યારે આજે મોડી સાંજે તેઓ વતન માણસામાં પરિવાર સાથે માતાજીના દર્શન કરશે.
GMCમાં જીત બાદ પ્રથમ વખત આવ્યા ગુજરાત
કેન્દ્રીય ગૃહમંત્રી અમિત શાહ આજે કલોલના પાનસરમાં નવા આરોગ્ય કેન્દ્રનું લોકાર્પણ પણ કરશે. પાનસર આરોગ્ય કેન્દ્રમાં છ બેડની વ્યવસ્થા ઉપરાંત લેબોરેટરી તથા માઇનોર ઓટીની પણ સુવિધા ઉભી કરવામાં આવ છે. ત્યારે તેના લોકાપર્ણ બાદ કલોલના જ હાજીપુરમાં પણ પ્રાથમિક આરોગ્ય કેન્દ્રનું ઇ-લોકાર્પણ કરવામાં આવશે જેના કારણે હવે આ વિસ્તારના દર્દીઓને તેનો લાભ મળશે.
PM મોદી પણ ઓક્ટોબરના અંતમાં આવી શકે છે ગુજરાત પ્રવાસે
બીજી તરફ વડાપ્રધાન મોદી પણ ઓક્ટોબરના અંતમાં ગુજરાતની મુલાકાતે આવે તેવી સંભાવનાઓ છે. 31 ઓક્ટોબરે સરદાર જ્યંતિ છે તેમના માનમાં રાષ્ટ્રીય એકતા દિવસની ઉજવણી કરવામાં આવે છે ત્યારે PM મોદી રાષ્ટ્રીય એકતા દિવસની ઉજવણીમાં સહભાગી બને તેવી શક્યતાઓ છે જોવાઈ રહી છે, આ સાથે તેઓ કેવડિયા કોલોની ખાતે સરકાર પટેલની પ્રતિમાને પુષ્પાંજલિ કરે અને વિવિધ પ્રકલ્પોનું ખાતમુર્હત અને લોકાર્પણ કરે તેવું પણ મનાઈ રહ્યું છે.