મહામારી / હાશ મોટી ચિંતા ટળી, ત્રીજી લહેર બાળકોનું કંઈ નહીં બગાડી શકે, સરકારે આપ્યું તેનું કારણ

• સ્વાસ્થ્ય મંત્રાલયનો મહત્વનો ખુલાસો
• ત્રીજી લહેર આવે તો પણ બાળકો પર નહીંવત અસર પડશે
• બાળકોમાં કોરોનાના હળવા લક્ષણો હોય છે
• દવાખાના દાખલ થવાની જરુર પડતી નથી 

મંત્રાલયે કહ્યું કે કોરોનાની લહેર બાળકોને ખૂબ પ્રભાવિત કરતી નથી. જે બાળકોને કોરોના થાય છે કે તેમાં લક્ષણો ઘણા ઓછા હોય છે. બાળકોના હોસ્પિટલની નોબત ભાગ્યે જ આવે છે. સ્વાસ્થ્ય મંત્રાલયે એવું પણ કહ્યું કે કોરોનાની બીજી લહેર દરમિયાન જે બાળકોને હોસ્પિટલમાં દાખલ કરવા પડ્યાં હતા તેમનામાં ઈમ્યુનિટી ઓછી હતી જેને કારણે તેમને હોસ્પિટલમાં દાખલ કરવા પડ્યાં હતા. 

સરકારે એવું પણ જણાવ્યું કે કોરોના બાળકોમાં ગંભીર રીતે ફેલાયો છે તે સાબિત કરવા માટે ભારત કે વિદેશમાં ક્યાંય પણ એવા ડેટા ઉપલબ્ધ નથી. ચાઈલ્ડ કેરને ધ્યાનમાં રાખતા હેલ્થકેર ઈન્ફ્રા પર ભાર મૂકાઈ રહ્યો છે. સરકારે એવું પણ જણાવ્યું કે 2-18 વર્ષના બાળકો પર કોવેક્સિનની ટ્રાયલ પણ શરુ કરી દેવાઈ છે. 

બાળકોમાં કોરોનાના ઘણા ઓછા લક્ષણો, હોસ્પિટલમાં દાખલ થવું પડતું નથી-વીકે પૌલ

કોરોના મહામારી (Covid-19) સાથે જોડાયેલા ભ્રામક સમાચાર પણ સમાજમાં ઘણા ફેલાયા છે. હવે કેન્દ્ર સરકાર તરફથી તેનો જવાબ આપવામાં આવ્યો છે. નીતિ આયોગના સદસ્ય ડૉ. વીકે પોલે (Dr. VK Paul)બાળકોમાં કોરોનાથી જોડાયેલ ભ્રમ પર તથ્યાત્મક જાણકારી આપી છે. તેમણે કહ્યું કે બાળકોની સારવારને લઇને પર્યાપ્ત ઇન્ફ્રાસ્ટ્રક્ચરની વ્યવસ્થા કરવામાં આવી છે. સાથે તેમણે સ્પષ્ટ કર્યું કે સામાન્ય રીતે બાળકોમાં કોરોના લક્ષણો વગરનો હોય છે અને ઘણી ઓછી સંખ્યામાં હોસ્પિટલમાં દાખલ કરવાની જરૂર પડે છે.

બાળકો પર ગંભીર સંક્રમણના ડેટા ઉપલબ્ધ નથી- ગુલેરિયા

એઇમ્સના ડાયરેક્ટર રણદીપ ગુલેરિયાએ જાણકારી આપી છે કે દેશ દુનિયામાં એવો કોઇ ડેટા ઉપલબ્ધ નથી જે કહે કે આગામી લહેરોમાં બાળકો પર ગંભીર પ્રભાવ થશે. સાથે તેમણે કહ્યું કે બીજી લહેર દરમિયાન બાળકો કોરોના સંક્રમણ પછી સામાન્ય બીમારી પછી ઠીક થઇ ગયા હતા. જેમને હોસ્પિટલમાં દાખલ કરવા પડ્યા તેમને પહેલાથી કોઇ બીમારી રહી હશે કે પછી ઇમ્યુનિટી લેવલ ઓછું હશે.

કોવિડ વર્કિંગ ગ્રૂપના ચેયરપર્સન ડૉ. એનકે ચોપડાએ કહ્યું કે 25 જૂનથી બાળકોમાં કોવેક્સીનના (COVAXIN)ટ્રાયલની શરૂઆત કરવામાં આવી ચૂકી છે. આ ટ્રાયલ 2 થી 18 વર્ષના બાળકોમાં કરવામાં આવી રહ્યો છે. તેના પરિણામ સપ્ટેમ્બર-ઓક્ટોબર સુધી આવી શકે છે. તેમણે પણ કહ્યું કે બાળકોને સંક્રમણ થઇ શકે છે પણ સામાન્ય રીતે ગંભીર થતું નથી.