સરપ્રાઈઝ વિઝિટ / સ્વાસ્થ્ય મંત્રી માંડવિયા દિલ્હીની હોસ્પિટલમાં નામ બદલીને દાખલ થયા, તબીબોનો વ્યવહાર જોઈને જુઓ શું કર્યુ

• કેન્દ્રીય સ્વાસ્થ્ય મંત્રીની અનોખી પહેલ
• માંડવિયાએ તબીબી સેવાની કરી તપાસ
• અજાણ્યા નામથી થયા હતા હોસ્પિ.માં દાખલ
• ડોક્ટર અને સ્ટાફની સેવાના કર્યા ભરપૂર વખાણ

કેન્દ્રીય સ્વાસ્થ્ય મંત્રી મનસુખ માંડવિયા સારવાર માટે અનિલ રાદડિયા તરીકે 31 ઓગસ્ટની રાત્રે દિલ્હીની સરકારી હોસ્પિટલમાં પહોંચ્યા હતા. માંડવિયા હોસ્પિટલની વ્યવસ્થા અને સારવારથી એટલા પ્રભાવિત થયા કે સારવાર કરનારા ડોક્ટરને આજે બોલાવીને મંત્રાલયમાં સન્માનિત કરવામાં આવ્યા.માંડવિયાએ ડોક્ટર અરવિંદ કુમારને પત્ર લખીને વખાણ કર્યા તેમજ હોસ્પિટલની કામગીરીને જાતે નિહાળીને ટ્વીટ કરી લીધેલી વિઝીટ અંગે ખુલાસો પણ કર્યો.

અનિલ રાદડિયા બની ડોકટરોની પરીક્ષા લીધી
કેન્દ્રીય આરોગ્ય મંત્રી મનસુખ માંડવિયા ફરી એક વખત સમાચારોમાં છે. માંડવિયા અનિલ રાદડિયા તરીકે સારવાર માટે 31 ઓગસ્ટની રાત્રે દિલ્હીની સરકારી હોસ્પિટલમાં પહોંચ્યા હતા. માંડવિયા હોસ્પિટલની વ્યવસ્થા અને સારવારથી એટલા પ્રભાવિત થયા કે સારવાર કરનારા ડોક્ટરને બોલાવીને મંત્રાલયમાં સન્માનિત કરવામાં કર્યા હતા.  માંડવિયા 31 ઓગસ્ટની રાત્રે લગભગ 11-11: 30 વાગ્યે દિલ્હીની સરકારી હોસ્પિટલ પહોંચ્યા હતા. જ્યાં તેમણે ડોકટરોની સારવાર અને દર્દી સાથે વર્તાવનું ખાસ કરીને નિરીક્ષણ કર્યું હતું જેમાં ત્યાં હાજર ડોકટરો મનસુખ માંડવિયાએ કરેલી પરીક્ષામાં પાસ થાય હતા. જેનું આજ એવોર્ડ રૂપી તેમણે સન્માન મળ્યું હતું. અને આરોગ્ય મંત્રીએ પત્ર લખી ડોકટરોનો આભાર વ્યકત કર્યો હતો.

માંડવિયાએ પત્રમાં શું લખ્યું હતું
ડોક્ટરને સંબોધતા માંડવિયાએ લખ્યું, 'મને આનંદ છે કે તમે મારી સાથે સારી રીતે વાત કરી, મારી સમસ્યાઓ સમજી, મારી સમસ્યાઓ વિશે તમારું નિદાન આપ્યું અને મારી સારવાર કરી. મને જાણવા મળ્યું કે તમારું સેવા વલણ CGHS ડોક્ટરની અપેક્ષિત વર્તણૂકને અનુરૂપ છે. હું આ માટે તમારી પ્રશંસા કરું છું. માંડવિયા પત્રમાં આગળ લખે છે કે તમારી નમ્રતા, વિવેકબુદ્ધિ, કુશળતા અને તમારા કામ પ્રત્યેની નિષ્ઠા CGHS હેઠળ દેશભરમાં કામ કરતા ડોકટરો અને અન્ય ડોકટરો અને આરોગ્ય કર્મચારીઓ માટે પ્રેરણા છે. જો દેશના તમામ CGHS ડોકટરો, અન્ય ડોકટરો અને આરોગ્ય કર્મચારીઓ તેમની પાસે આવતા દર્દીઓની આ સંવેદનશીલતા સાથે સારવાર કરે, તો આપણે સાથે મળીને વડાપ્રધાન મોદીજીના 'સ્વસ્થ ભારત'ના સ્વપ્નને સાકાર કરી શકીશું. હું નિષ્ઠાપૂર્વક આશા રાખું છું કે તમે સેવા અને સમર્પણની સમાન ભાવના સાથે કામ કરવાનું ચાલુ રાખશો અને વધુ સારી સારવાર દ્વારા લોકોને તંદુરસ્ત જીવન આપીને રાષ્ટ્રની સેવા કરશો. આપ સૌને ખુબ ખુબ શુભેચ્છાઓ.