પ્રધાનમંત્રી મોદીની આગેવાની હેઠળની કેન્દ્રીય કેબિનેટની બેઠકમાં ટેકસટાઈલ સેક્ટર માટે PLI યોજનાને મંજૂરી આપી દીધી છે.
કેન્દ્રીય કેબિનેટની બેઠકમાં ટેકસટાઈલ સેક્ટર માટે લેવાયો મોટો નિર્ણય
ટેકસટાઈલ સેક્ટર માટે PLI યોજનાને મંજૂરી મળી
PLI યોજનાથી હજારો લોકોને સીધી રોજગારી મળશે
પ્રધાનમંત્રી મોદીની આગેવાની હેઠળની કેન્દ્રીય કેબિનેટની બુધવારે બેઠક મળી હતી. કેન્દ્રીય મંત્રી પીયૂષ ગોયલ અને અનુરાગ ઠાકુરે પ્રેસ કોન્ફરન્સમાં લેવામાં આવેલા નિર્ણયો અંગે કેબિનેટને માહિતી આપી હતી. જેમાં સૌથી મહત્વનો નિર્ણય કાપડ ઉદ્યોગ માટે પીએલઆઈ યોજના લાવવાનો છે.
ટેકસટાઈલ સેક્ટર માટે PLI યોજનાને મંજૂરી
કેન્દ્રીય મંત્રીમંડળે બુધવારે કાપડ ઉદ્યોગ માટે પીએલઆઈ યોજનાને મંજૂરી આપી હતી. આગામી ૫ વર્ષ માટે ૧૦ વિવિધ ઉત્પાદનો માટે 10683 કરોડ રૂપિયાથી વધુનું પેકેજ આપવામાં આવશે. આ પેકેજ ટાયર 2-3 એરિયા ધરાવતી કંપનીઓને વધુ પ્રાધાન્ય આપશે.
PLI યોજનાથી હજારો લોકોને સીધી રોજગારી મળશે
કેન્દ્રીય મંત્રી પીયૂષ ગોયલે કહ્યું કે ટેક્સટાઇલ ક્ષેત્રમાં આ નિર્ણયથી હજારો લોકોને સીધી રોજગારી મળશે. આ પેકેજને બે ભાગમાં મૂકવામાં આવ્યું છે, જેમાં 100 કરોડ રૂપિયા સુધીના ઉત્પાદન અને 300 કરોડ રૂપિયા સુધીના ઉત્પાદન પર ધ્યાન કેન્દ્રિત કરવામાં આવ્યું છે. પેકેજનિકાસ વધારવા પર ધ્યાન કેન્દ્રિત કરશે.
ગુજરાત, ઉત્તર પ્રદેશ, મહારાષ્ટ્ર, પંજાબ, તમિલનાડુ સહિતના રાજ્યોને ફાયદો થશે
કેન્દ્રીય મંત્રી પીયૂષ ગોયલના જણાવ્યા અનુસાર આ યોજનાથી મુખ્યત્વે ગુજરાત, ઉત્તર પ્રદેશ, મહારાષ્ટ્ર, પંજાબ, તમિલનાડુ, આંધ્રપ્રદેશ, તેલંગાણા, ઓડિશા જેવા રાજ્યોને ફાયદો થશે. પીયૂષ ગોયલનું કહેવું છે કે બિહાર જેવા રાજ્યો પણ આ યોજનાનો લાભ લઈ શકે છે.