દેશમાં રેપ પીડિતાઓને ઝડપી ન્યાય અપાવવા માટે મોદી સરકારે 1023 ફાસ્ટ ટ્રેક કોર્ટની મંજૂરી આપી દીધી છે.
પ્રધાનમંત્રી મોદીની અધ્યક્ષતામાં કેન્દ્રીય કેબિનેટની બેઠક મળી
રેપ પીડિતાઓના ઝડપી ન્યાય માટે 1023 ફાસ્ટ ટ્રેક કોર્ટ બનાવાશે
1023 ફાસ્ટ ટ્રેકમાંથી 389 પોક્સો કોર્ટ હશે
બેઠક બાદ કેન્દ્રીય મંત્રી અનુરાગ ઠાકુરે જાણકારી આપી
બુધવારે પ્રધાનમંત્રી મોદીની અધ્યક્ષતામાં મળેલી કેન્દ્રીય કેબિનેટની બેઠકમાં રેપ પીડિતાઓને ઝડપી ન્યાય અપાવવા 1023 ફાસ્ટ ટ્રેક કોર્ટની મંજૂરી આપવામાં આવી હતી.
આ યોજનામાં કુલ 1586 કરોડનો ખર્ચ થશે
કેબિનેટની બેઠક બાદ માહિતી આપતા કેન્દ્રીય મંત્રી અનુરાગ ઠાકુરે જણાવ્યું કે સગીર બાળકીઓ તથા મહિલાઓને રેપ કેસોમાં ઝડપી ન્યાય અપાવવા માટે 1023 ફાસ્ટ ટ્રેક કોર્ટની રચના કરવામાં આવશે. આ યોજનામાં કુલ 1586 કરોડનો ખર્ચ થશે જેને 31 માર્ચ 2023 સુધી ચાલુ રાખવામાં આવશે. આગામી બે વર્ષમાં અત્યંત ઝડપી ગતિએ ફાસ્ટ ટ્રેક કોર્ટનું નિર્માણ કરવામાં આવશે.
આ ફાસ્ટ કોર્ટ્સમાંથી 389 પોક્સો કોર્ટ
અનુરાગ ઠાકુરે કહ્યું કે બાળકીઓ સામેના યોન અપરાધ કેસોમાં ઝડપી ન્યાય માટે આ ફાસ્ટ કોર્ટ્સમાંથી 389 પોક્સો કોર્ટ છે. તેમણે કહ્યું કે આ ફાસ્ટ ટ્રેક કોર્ટ્સ ઊભી કરવા માટે થનાર સંખ્ચમાં 971 કરોડનો ખર્ચ કેન્દ્ર સરકાર જ્યારે 601 કરોડનો ખર્ચ રાજ્ય સરકાર ભોગવશે. 2019 માં જ્યારે આ યોજનાને લોન્ચ કરવામાં આવી ત્યારે સરકારની એવી માનસિકતા હતી કે યોન અપરાધોનો ભોગ બનેલી મહિલાઓ તથા બાળકીઓને જલદી ન્યાય મળશે. તેને માટે ઘણી કોર્ટ પણ શરુ કરવામાં આવી હતી.
માર્ચ 2023 સુધીમાં ચાલતી રહેશે નવી ફાસ્ટ ટ્રેક કોર્ટ
કેન્દ્રીય મંત્રી ઠાકુરે જણાવ્યું કે નવી બનાવવામાં આવનાર 1023 ફાસ્ટ ટ્રેક કોર્ટ માર્ચ 2023 સુધી કામ કરતી રહેશે. કેન્દ્ર સરકારની આ યોજનાથી રેપ પીડિતાઓને ઝડપી ન્યાય મળશે.