ભારત / BHIM UPI અને Rupay Card પર કેટલું મળશે સરકારી પ્રોત્સાહન? અહીં જાણી લો ડિટેલ્સ

• 2600 કરોડ રૂપિયાના ઈન્સેન્ટીવને આપી  મંજૂરી 
• BHIM UPIથી ટ્રાન્ઝેક્શન કરનારને મળશે પ્રોત્સાહન રકમ 
• Rupay Cardની મદદથી થશે અનેક ફાયદા

મોદી કેબિનેટે ઓછા ખર્ચવાળા ડિજિટલ ટ્રાન્ઝેક્શન માટે 2600 કરોડ રૂપિયાના પ્રોત્સાહનને પેકેજને મંજૂરી આપી હોવાથી હવેથી ઓનલાઈન ટ્રાન્ઝેક્શન કરનાર લોકોને રોકડનો લાભ મળશે. Rupay Cardની મદદથી અનેક ફાયદા થશે. જેની માહિતી કેબિનેટ મંત્રી ભૂપેન્દ્ર યાદવે આપી હતી.

Rupay Cardની મદદથી થશે આ ફાયદા

1. કેબિનેટ મંત્રી ભૂપેન્દ્ર યાદવે કહ્યું કે Rupay Card થકી ડિજિટલ પેમેન્ટ્સ પર 0.4%નું ઈન્સેન્ટિવ આપવામાં આવશે.
2. BHIM UPIની મદદથી 2000 રૂપિયાથી ઓછી રકમનાં ટ્રાન્ઝેક્શન પર 0.25%નું ઈન્સેન્ટિવ અપાશે.
3. ભીમ UPIની મદદથી ઈન્ડસ્ટ્રીનાં ઉપયોગ માટે થતાં ડિજિટલ પેમેન્ટ્સ જેવા કે ઈન્શોરન્સ, મ્યૂચુલ ફંડ્સ, જ્વેલરી, પેટ્રોલિયમ પ્રોડક્ટ્સ અને અન્ય સેગમેન્ટ માટે આ ઈન્સેન્ટિવ 0.15%નું નક્કી કરવામાં આવ્યું છે. 
4. કેન્દ્રીય કેબિનેટ આ નિર્ણય અંતર્ગત બેંકોને પણ ફાઈનેંશિયલ ઈન્સેન્ટિવ આપશે જેની મદદથી પૉઈન્ટ ઑફ સેલ PoS અને ઈ-કોમર્સ ટ્રાન્ઝેક્શન જે Rupay Cardથી થશે તેના પર અલગ-અલગ પ્રકારનાં ઈન્સેન્ટિવ આપવામાં આવશે. ઓછી વેલ્યૂનાં BHIM-UPI પર પણ પ્રોત્સાહન આપવામાં આવશે.
5. UPI પેમેન્ટથી થનારા ટ્રાન્ઝેક્શનની સંખ્યા ડિસેમ્બરમાં 12 લાખ કરોડ રૂપિયા સુધી આવી ગઈ હતી જે દેશની કુલ GDPનું આશરે 54%ની આસપાસ આવે છે. આ આંકડાને વધુ વધારવા માટે વધુમાં વધુ ઈન્સેન્ટિવ આ 2600 કરોડ રૂપિયાની મદદથી કરવામાં આવશે.

ત્રણ બહુસ્તરીય સહકારી મંડળીઓની રચના 
કેન્દ્રીય કેબિનેટે બીજો એક મોટો નિર્ણય લેતા ત્રણ બહુસ્તરીય સહકારી મંડળીઓની રચનાને પણ મંજૂરી આપી દીધી છે.