Budget: સરકારની આ ત્રણ મોટી જાહેરાતોથી મળશે 26 કરોડ જનતાને ફાયદો

 કેન્દ્ર સરકારે બજેટ 2019-20ના બજેટમાં 26 કરોડ નોકરિયાત ખેડૂતો અને સંગઠિત ક્ષેત્રમાં કામ કરનારા લોકો માટે 3 જાહેરાત કરીને 130 કરોડ લોકોનું દિલ જીતી લીધુ છે. સરકારની જાહેરાત પછી હવે સાતમા પગાર પંચની તમામ ભલામણો સંપૂર્ણ રીતે લાગૂ થશે. સરકારે 5 લાખ સુધીની આવકને ટેક્સ ફ્રી કરી દીધી છે. સરકારે ચૂંટણી પહેલા પ્રમુખ તબક્કાઓને આવરી લેવાના પ્રયત્ન કર્યા છે. 

 આવકવેરામાં છૂટથી 4.5 કરોડ લોકોનો ફાયદો:

મધ્યમ વર્ગને મોટી રાહત આપવા માટે આવકવેરાની છૂટની સીમા બે ગણી કરી 5 લાખ કરવાનો પ્રસ્તાવ કર્યો છે.  આ સિવાય કપાતોની સીમાં 40000થી વધારીને 50000 રૂપિયા કરવાનો પ્રસ્તાવ કર્યો છે. આ પ્રસ્તાવથી મધ્યમ વર્ગના 3 કરોડ કરદાતાઓને લાભ થશે. 

જો કોઇ કરદાતા કોઇ સરકારની વિશેષ બચત યોજનામાં નિવેશ કરે છે તો તેનાથી પ્રભાવી કર મુક્ત આવકની સીમા 1 વર્ષમાં 6.5 લાખ રૂપિયા હશે. NPS હેલ્થ ઇન્શ્યોરન્સ અને હોમ લોનના વ્યાજની ચૂકવણીની  આ સીમા વધારે વધી જશે.

ગ્રેચ્યુટીની સીમા વધારીને 30 લાખ રૂપિયા સુધી કરવામાં આવી છે. વિત્ત મંત્રીએ બેંકો તથા પોસ્ટ ઑફિસની બચત યોજનાઓ પર મળતા વાર્ષિક 40000 રૂપિયા સુધીના વ્યાજ સ્ત્રોત પર TDSની છૂટ આપી છે. 

80Cનો ફાયદો ઉઠાવો:

7.35 લાખ રૂપિયાની આવક પર આવક વેરાના સેક્શન 80C હેઠળ 150000ની બચત કરી શકાશે. 80D હેઠળ પોતાના મેડિક્લેમ પર 25000 સુધીની છૂટ મળે છે. આ સિવાય 80Dમાં જ સીનિયર સીઝિટન (માતા-પિતા)ના માટે મેડિક્લેમમાં રોકાણ પર 50000 સુધીની ડિડક્શન મળે છે. 

આ સિવાય તમે   80TTAના હેઠળ 10000 સેવિંગ બેંકમાં ડિપોઝિટ વ્યાજ પર ડિડક્શન મળે છે. આ તમામ ડિડક્શન ફછી ટેક્સેબલ ઇન્કમ 5 00 000 રૂપિયા બની છે. 

ઓછી આવક હશે તો મળશે પેન્શન:

15000 રૂપિયાથી ઓછી આવકવાળા લોકોને સરકારે 3000 રૂપિયાના માસિક પેન્શન આપવાની જાહેરત કરી છે. આ લોકોને 100 રૂપિયા પ્રતિ મહિનાના યોગદાન કરવુ પડશે એટલુ જ યોગદાન સરકાર દ્વારા કરવામાં આવશે જેનાથી 10 કરોડ કર્મચારીઓને લાભ મળશે.

ખેડૂતોને મળશે 6000 રૂપિયા:

'પ્રધાનમંત્રી કિસાન સન્માન નિધિ' ના અતર્ગત 3 હપ્તામાં દરેક ખેડૂતોના ખાતામાં 6000 રૂપિયા આવશે જેના હેઠળ 2000 રૂપિયા પ્રતિ પાક 3 પાક માટે આપવામાં આવશે. જોકે આ નિર્ણય ડિસેમ્બરથી લાગૂ થશે તેવુ લાગી રહ્યુ છે જેથી પહેલો હપ્તો 2000 રૂપિયા દરેક ખેડૂતના ખાતામાં ચૂંટણી પહેલા પહોંચી જશે. આ 3 યોજનાઓ ગામ ગરીબ તથા મધ્યમવર્ગના લોકોને ટાર્ગેટ કરે છે જેથી લગભગ 26 કરોડ લોકોને સીધો લાભ મળશે.