અત્યાચાર / ભણેલાની અભણ કથા: અમદાવાદમાં પતિએ પત્નીને ઇસ્ત્રીના ડામ આપ્યા, ગરમ તેલ ઢોળ્યું

અમદાવાદમાં પતિ-પત્નીના ઘરેલુ હિંસાનો વધુ બે કિસ્સા સામે આવ્યા છે. જેમાં પતિએ પત્નીને ઈસ્ત્રીના ડામ આપ્યા તો બીજા કિસ્સામા પતિએ પત્ની પર ગરમ તેલ ઢોળ્યુ છે. પતિ-પત્નીના સંબંધો અને વિવાદો વધી રહ્યાં છે. ચાંદખેડામા ડીપીએસ સ્કુલની એક શિક્ષિકાએ વૈજ્ઞાનિક પતિ વિરૂધ્ધ માનસિક અત્યાચારની ફરિયાદ નોંધાઈ છે. પતિ વિક્રમ શર્મા અને સાસુ અરુણવાલા અને સસરા સતિષકુમાર વિરુધ્ધમાં ડોમેસ્ટીક વાયોલન્સ એક્ટ હેઠળ ફરિયાદ કરી છે. પાંચ વર્ષના લગ્ન જીવનમાં પતિ અને સાસરીયાઓ દહેજની માંગ કરીને માનસિક અત્યાચાર કરી રહ્યાં હોવાના આક્ષેપ કર્યા છે. આ ઉપરાંત સાબરમતી પોલીસ સ્ટેશનમાં પણ કોન્સ્ટેબલ પતિએ પત્ની પર ગરમ તેલ નાખ્યું હોવાની ફરિયાદ નોંધતા પોલીસે આ મામલે પણ તપાસ શરૂ કરી છે.

 

2014માં બંનેનો થયો હતો સંપર્ક:

વાત કંઈ ક એવી છે કે, ચાંદખેડામા રહેતી અને ડીપીએસ સ્કુલમાં શિક્ષિક તરીકે ફરજ બજાવતી યુવતીએ પતિ વિક્રમ શર્મા અને સાસુ અરુણવાલા અને સસરા સતિષકુમાર વિરુધ્ધમાં ડોમેસ્ટીક વાયોલન્સ એક્ટ હેઠળ ફરિયાદ કરી છે. ફરિયાદમાં કરેલા આક્ષેપ પ્રમાણે મહિલા મુળ ગાજીયાબાદની રહેવાસી છે અને વિક્રમ દિલ્હીનો રહેવાસી છે. વર્ષ 2014 બન્નેનો સંપર્ક મેટરીમોનીયન સાઇટ પર થયો હતો. ત્યારબાદ બન્ને જણાએ લગ્ન કરી દીધા હતા. વિક્રમ પ્લાઝમા રિસર્ચ સેન્ટરમાં નોકરી કરતો હોવાથી તેની બદલી દિલ્હીથી ગાંધીનગર ખાતે થઇ હતી. ગાંધીનગરમાં બદલી થતા બન્ને જણા અમદાવાદના ચાંદખેડા ખાતે રહેવા માટે આવી ગયા હતા. પાંચ વર્ષના લગ્ન જીવનમા પતિ અને સાસરીયાઓ દહેજની માંગ કરીને માનસિક અત્યાચાર કરી રહયા હોવાનો આક્ષેપ કર્યો છે.
 

દહેજની માંગ કરી કરતા મારઝુડ:

દિલ્હીથી ગાંધીનગર આવ્યા બાદ મહિલાનો પતિ વિક્રમ નોકરી પર જાય ત્યારે મહિલાએ ડીપીએસ સ્કુલમાં શિક્ષિકા તરીકે નોકરી શરુ કરી દીધી હતી. દસ દિવસ પહેલા મહિલાના સાસુ સસરા ચાંદખેડા રહેવા આવ્યા હતા. જ્યા તેના પર ઘરકામ અને કરીયાવરમાં કશુજ લાવી નથી તેમ કહીને હેરાન કરીને મારઝુડ કરતા હોવાના આક્ષેપો મહિલાએ કર્યા છે. આ આક્ષેપોને લઈને ચાંદખેડા પોલીસે ગુનો નોંધીને તપાસ શરૂ કરી છે.
 

ફરિયાદની પતિને ખબર પડતાં આપ્યા ઇસ્ત્રીના ડામ:

પતિ તેમજ સાસુ સસરાના ત્રાસથી કંટાણીને મહિલાએ ચાંદખેડા પોલીસ સ્ટેશનમાં ફરિયાદ કરી હતી. ફરિયાદના બીજા દિવસે તેના પતિ અને સાસુ સસરાને  પોલીસ ફરિયાદ કરી હોવાનું જાણ થઇ હતી. પતિ વિક્રમે એકદમ ઉશ્કેરાઇને મહિલાને મારમાર્યો હતો અને ઇસ્ત્રીનો ડામ આપ્યો હતો. ઇસ્ત્રીનો ડામ આપતા મહિલાએ પોલીસને જાણ કરીને ફરિયાદ કરી હતી. આ ઉપરાંત સાબરમતી પોલીસ સ્ટેશનમા પણ કોન્સ્ટેબલ પતિએ પત્ની પર ગરમ તેલ નાખ્યુ હોવાની ફરિયાદ નોંધતા પોલીસે આ મામલે પણ તપાસ શરૂ કરી છે.