બેદરકારી / આંગણવાડી દ્વારા આપવામાં આવતો આહાર કેટલો પોષણયુક્ત? સડેલા ચણાનો વીડિયો વાયરલ

• પંચમહાલમાં આંગણવાડીમાં સડેલુ ભોજન 
• બાળકોને અપાતા ચણા સડેલા હોવાનો વીડિયો વાયરલ 
• કાલોલનાં મુવાડા ગામની આંગણવાડીનો વીડિયો હોવાનુ અનુમાન 

પંચમહાલના કાલોલના મુવાડા ગામમાં આંગણવાડીમાં ભુલકાઓને પીરસવામાં આવેલ ચણા સડેલા છે. આ ચણા બાળકોને હોંશે હોંશે અપાઈ રહ્યા છે. આ તમામ ઘટનાનો વીડિયો વાઈરલ થયો છે. 

પંચમહાલની આંગણવાડીમાં સડેલુ ભોજન આપાવમાં આવતું  હોવાનું પ્રકાશમાં આવ્યું છે. આ સડેલા ભોજનના વીડિયો વાયરલ થયા છે. જેમાં બાળકોને આપવામાં આવતા ચણા સડેલા હોવાનું દેખાઈ રહ્યું છે. વાયરલ થયેલો વીડિયો કાલોલના મુવાડા ગામની આંગણવાડીનો હોવાનું અનુમાન લગાવવામાં આવી રહ્યું છે. અહીં બાળકોને જે ચણા આપવામાં આવી રહ્યા છે તે સડેલા છે. અને વીડિયોમાં પણ તેનો ઉલ્લેખ કરવામાં આવ્યા છે. 

ગામના જ કોઈ માણસે વીડિયો બનાવી કર્યો વાયારલ

આ વીડિયો ગામના એક જાગૃત નાગરિકે બનાવ્યો છે. અને બાદમાં વીડિયો સોશિયલ મીડિયામાં વાયરલ થયો છે. ત્યારે આ મામલે હવે ફૂડ એન્ડ ડ્રગ્સ વિભાગ અને તંત્ર શું કાર્યવાહી કરે છે તે જોવું રહ્યું.