સવાલ / અમેરિકાએ પાક.ને કહ્યું માત્ર કાશ્મીર જ કેમ, આ દેશનાં મુસલમાનોની ચિંતા તમને કેમ નહીં?

• ચીનમાં મુસલમાનોની ભયાનક હાલત પર કેમ નથી કરાતી કોઇ વાતચીત?
• ચીનનાં જિનજિયાંગમાં 10 લાખ મુસ્લિમોને બંદી બનાવાયાં છતાં પાકિસ્તાન કેમ ચૂપ?

અમેરિકા (America) એ પાકિસ્તાનને પૂછ્યું કે, આપ માત્ર કાશ્મીરમાં માનવાધિકારનાં મામલાઓને લઇને ચિંતિત છે પરંતુ પૂરા ચીનમાં મુસલમાન સતત જે 'ભયાનક હાલત'માં છે, તેની પર આપ ક્યારેય વાત નથી કરતા. દક્ષિણ અને મધ્ય એશિયામાં અમેરિકાનાં કાર્યકારી આસિસ્ટન્ટ સેક્રેટરી એલિસ વેલ્સ (Alice Wells) એ સંયુક્ત રાષ્ટ્ર સંઘનાં 74માં જનરલ એસેમ્બલીને સંબોધિત કરતા પાકિસ્તાનની આલોચના કરી. તેઓએ પાકિસ્તાની પ્રધાનમંત્રી ઇમરાન ખાને ચીન વિરૂદ્ધ કોઇ જ અવાજ નથી ઉઠાવવા મામલે સવાલ કર્યા. એલિસ વેલ્સે કહ્યું કે, ચીનનાં જિનજિયાંગ પ્રાંતમાં અંદાજે 10 લાખ મુસલમાનોને બંદી બનાવવામાં આવ્યાં, પરંતુ પાકિસ્તાન તે મુદ્દાને ક્યારેય નથી ઉઠાવતું.

ચીન વારંવાર પાકિસ્તાનનાં બચાવમાં આવે છે

ચીન પાકિસ્તાનનો સદાબહાર મિત્ર છે. ચીન વારંવાર દરેક સ્તરે પાકિસ્તાનને બચાવવા આવી જાય છે. એટલે સુધી કે ચાહે ભલે મામલો મુંબઇ હુમલાનો હોય કે પાકિસ્તાની આતંકવાદી સંગઠન જૈશ-એ-મોહમ્મદનાં આતંકવાદી મસૂદ અઝહર પર પ્રતિબંધ લગાવવાનો હોય, ચીને પાકિસ્તાનને આંતરરાષ્ટ્રીય સ્તરે મદદ કરી છે. પાકિસ્તાનની આર્થિક સ્થિતિ ખરાબ છે અને ચીન આને પહોંચી વળવા પાકિસ્તાનને આર્થિક રીતે મદદ પણ કરી રહ્યું છે.

એલિસ વેલ્સે કહ્યું કે,

'હું સમાન સ્તરની ચિંતા તેવાં મુસ્લિમો માટે જોવા માંગુ છું, જેને પશ્ચિમી ચીનમાં બંદી બનાવવામાં આવેલ છે. તેઓ ખરેખર એકાગ્રતા જેવી હાલતમાં છે. જો કે આપ કાશ્મીરમાં મુસ્લિમોનાં માનવાધિકારોને લઇને સંપૂર્ણ રીતે ચિંતિત છે જેથી આ ચિંતા વધુ વિસ્તરણની માંગ કરે છે.