શું તમારા બેંક એકાઉન્ટમાં બેનામી કેશ ક્રેડિટ પડેલી છે ? તો તમારે તોતિંગ 83% ઇન્કમ ટેક્સ ભરવો પડી શકે છે.
ઇન્કમટેક્સ એક્ટની કલમ 69A અનુસાર જો તમે એવી રોકડ, સોનું, ઝવેરાત કે અન્ય કિંમતી ચીજોના માલિક છો અને એ વસ્તુઓ તમારા ચોપડામાં નોંધાયેલી નથી અથવા તમારી પાસે એ આવકના સ્ત્રોતની કોઈ સ્પષ્ટતા નથી અથવા તમારી સ્પષ્ટતાથી એસેસીંગ ઓફિસર રાજી નથી તો આવી સંપત્તિ ઉપર ઊંચો આવકવેરો લાગે છે.
આવા ઇન્કમ ટેક્સનો રેટ 83.25% છે જેમાં 60% આવકવેરો, 25% સરચાર્જ અને 6% પેનલ્ટી લાગે છે. ફક્ત રોકડ કે સોનુ જ નહીં જો બેંક એકાઉન્ટમાં એવી કેશ ક્રેડિટ પણ મળશે જેના સ્ત્રોતની કોઈ સ્પષ્ટતા નથી અથવા તો તે સ્પષ્ટતાથી અધિકારી રાજી નથી તો આવી કેશ એન્ટ્રીને 'unexplained cash credit' કહે છે અને તેને ઇન્કમ ટેક્સ એક્ટના સેક્શન 68 અંતર્ગત ગણવામાં આવશે.
નવેમ્બર 2016ની નોટબંધી બાદ 2017માં સરકારે રાતોરાત 500 અને 1000ની નોટ ઉપર પ્રતિબંધ લગાવ્યા પછી ઘણા ટેક્સ પેયર્સના બેન્ક એકાઉન્ટમાં મોટા પ્રમાણમાં કેશ ડિપોઝિટ્સ નોંધાઈ હતી જે ઇન્કમટેક્સ ડિપાર્ટમેન્ટ હેઠળ સ્ક્રુટીનીમાં રખાયા હતા.
ત્યારબાદ IT વિભાગે ટેક્સપેયર્સ સાથે એક ડીલ કરી હતી જે અંતર્ગત જો તેઓ આવા ટ્રાન્સેક્શન્સ ઉપરના ટેક્સની ભરપાઈ કરી દેશે તો તેમની આ આવક સામે કોઈ કાયદાકીય કાર્યવાહી કરવામાં આવશે નહીં.