પોલીસ ભરતી માટેની રદ થયેલી પરીક્ષા અને તેમા ઊભા થયેલા ઉહાપોહ વચ્ચે હવે એક નવી ભરતી માટેના ફોર્મનું વિતરણ શરૂ થઈ ગયું છે અને યુવાઓનું ધ્યાન પાછું રોજગારીની નવી તક તરફ વાળી દેવામાં આવ્યું છે. હવે એએમસીએ ટ્રાફિક પોલીસની ભરતી બહાર પાડી અને યુવાનોને એક નવી ઉમ્મીદ કહો કે નવી લાલચ કહો તે તરફ ધ્યાન દોર્યું છે અને આ તરફ ભરતીને લઈને રાજકારણમાં વિવાદની ભરતી આવી ગઈ છે.
દેશભરમાં ગુજરાતને મોડલ સ્ટેટની ઉપમા મળી રહી છે પરંતું આ મોડલ સ્ટેટમાં વસતા લાખો યુવાનો બેરોજગાર છે. 9 પાસની ભરતીમાં આજે સ્નાતક..અનુસ્નાતક એન્જીનીયર જેવા વિવિધ ક્ષેત્રોમાં અભ્યાસ કરતા વિધાર્થીઓ પણ ટ્રાફિક બિગ્રેડની ભરતીમાં પોતાનું નશીબ અજમાવવા ઉમટી પડયા. આમ તો દેશભરમાં મોડલ ગણાતાં ગુજરાત રાજ્યમાં વાઈબ્રન્ટ ગુજરાતના નેજા હેઠળ રાજ્યમાં અનેક ઉદ્યોગો સ્થાપના થઇ છે.
ત્યારે રાજ્યસરકાર 2003થી વાઈબ્રન્ટ ગુજરાતનાના નેજા રાજ્યમાં અનેક ઉદ્યોગોનો સ્થાપના કરી છે અને હજારો કરોડોનું રાજ્યમાં રોકાણ થયું હોવાની ગુલબાંગો ઠોકાય છે. છતાં આજે પણ બેરોજગાર યુવાનોની મોટી કતારો સરકારી ભરતીમાં અને ખાનગી કંપનીના રોજગાર મેળામાં ઉમટી રહી છે.
જેનો તાજો દાખલો આપની નજર સમક્ષ છે કે 9 પાસ લાયકાત વાળી ટ્રાફિક બિગ્રેડની ભરતીમાં 1400 જગ્યા માટે પ્રથમ દિવસે જ 11હજારથી વધારે યુવાનોએ દાવેદારી નોંધાવીને જાણે સરકારના દાવાની પોકળતા સાબિત કરી દીધી.
ટ્રાફિક પોલીસની નોકરી માટે લાગેલી આ યુવાઓની લાઈનો જુઓ આમાં કોઈ એમબીએ છે તો કોઈ કોમ્પુટર એન્જિનીયર છે. કોઈ એમએ બીએડ છે તો કોઈ પીટીસી છે. કોઈ પીએચડી છે છે તો કોઈ એમફીલ છે. યુવાનોની આ હાલત કોણે કરી કે તેમને 9 પાસની ભરતી પર પોતાનુ નસીબ અજમાવવું પડે છે?
રાજ્યમાં કરોડો રૂપિયાનું રોકાણ થાય છે એના ફળ કોણ ભોગવે છે? રાજ્ય ગતિ અન પ્રગતિના પંથે છે તો આ યુવાનોને પોતાની લાયકાત કરતા ઓછી લાયકાત વાળી નોકરી માટે કોણ લલચાવી રહ્યું છે? એ ક જગ્યા માટે હજાર ઉમેદવાર આ વાત શું સૂચવે છે?
અમદાવાદમાં ટ્રાફિક બ્રિગેડની ભરતી માટે લાગેલી લાઈન મામલે હાર્દિક પટેલે ભાજપ સરકાર પર નિશાન સાધ્યું હતું. હાર્દિકે કહ્યું કે 1400ની ભરતી માટે 3 કિમી લાંબી લાઈન લાગવી તે શરમજનક છે. વાઈબ્રન્ટના નામે અનેક MOU થાય છે પણ નોકરી મળતી નથી. વિજય રૂપાણીએ આ બોઝ ન ઉચકાતો હોય તો રાજીનામું આપી દેવું જોઈએ.
લોકરક્ષક ભરતી પેપરકાંડનો મામલો સામે આવ્યો ત્યારે લાગ્યું કે સરકારી ભરતીમાં ઉમેદવારોની સંખ્યા ઘટશે. ટેટની પરીક્ષાના પરિણામો રદ થયા પછી લાગ્યુ કે નારાજ યુવાનો નહીં આવે પરંતુ અમદાવાદ ફાયર વિભાગમાં પડેલી સરકારી ભરતીમાં ઉમેદવારો વહેલી સવારથી બમણા જોરે લાંબી કતાર લગાવી બેઠા. આખરે યુવાનો જાય તો જાય ક્યાં. નહીં મામા કરતા કાણો મામો શું ખોટો છે.
આ હાલત કરી મુકી છે યુવાનોના મુકદ્દરોએ અને રાજ્યના નીતિ નિર્ધારકોએ ટ્રાફિક બ્રિગેડની ભરતીમાં યુવાનોની લાઈન મામલે કોંગ્રેસે ભાજપ પર પ્રહાર કર્યા છે. અસ્થાયી નોકરી માટે લાઈન લાગવી એ શરમજનક છે. ધોરણ 9 પાસ લાયકાતની નોકરી માટે ગ્રેજ્યુએટ લાઈનમાં ઉભા રહે તે ગંભીર બાબત છે.
દોઢ વર્ષમાં 23 હજાર જગ્યા માટે 55 લાખ ઉમેદવારોએ ફોર્મ ભર્યા છે..જે બેરોજગારી દર્શાવે છે. મોંઘા શિક્ષણ સાથે સરકારે બેરોજગારીની પણ ભેટ આપી છે. જેનો જવાબ પણ ભાજપના પ્રવ~તા ભરત પંડયાએ મુત્સદ્દી ભર્યો આપ્યો.
ચૂંટણીઓ પહેલા બેરોજગારીના ખપ્પરમાં હોમાયેલા યુવાઓને નોકરી આપવા માટે સરકારી નોકરીઓમાં ભારતીઓની મોસમ આવતી હોય છે. જે મોસમ હાલ ગુજરાતમાં ચાલી રહી છે અને ડર અઠવાડિયે પરીક્ષાઓ લેવાઈ રહી છે. સરકારી ભારતીઓ ચાલી રહી છે ત્યારે વાસ્તવમાં જે આંકડાઓ આવી રહ્યા છે તે ગુજરાતમાં બેરોજગારીનું બિહામણું ચિત્ર દર્શાવી રહ્યું છે. કેમ કે ગુજરાતમાં છેલ્લા દોઢ વર્ષમાં સરકારી ભરતીની ત્રેવીસ હજાર સાતસો પંચાવન જગ્યાઓ માટે પંચાવાન લાખ છત્રીસ હજાર ઉમેદવારી ફોર્મ ભરાયા છે.જે દર્શાવે છે કે ગુજરાતમાં શિક્ષિત બેરોજગારીનું ચિત્ર શું છે!